الطارف يشرفنا ....... !!

[طائر الاشجان]

الاسماء المتواجده كثيره الله يزيدهم والنوم ممنوع في المنتدى

قاف خفيف للدردشه

من يبا القاف يقلط جعل ربي يعينه = اقلطوا والمعاني سمٌها في عسلها
الهلل مايكسٌب غير راع الكبينه = والكبينه يقرقع بطنها من هللها

آخر تعديل طائر الاشجان يوم 30-Jun-2009 في 09:20 PM.

[حفيد سهوم المنايا]

انت شايف بعينك كل واحد ودينـــه
والمعاني سيوفن ويل منهو جهلها
الكباين كثيره مير وين الحسينـــه
لوتكاثر هللها باينلك خللـــــــــــها

الصراحه يشرفني اللعب مع واحد مثلك استاذ فالشعر
والحقيقه اللعب معك ومع شرواك مكسب وفايد
وعذرنا على القصور الله لايهينك

[عقاب العنزي]

يبا القاف يقلط جعل ربي يعينه
اقلطوا والمعاني سمٌها في عسلها
الهلل مايكسٌب غير راع الكبينـه
والكبينه يقرقع بطنها مـن هللها


طائر الاشجان حقيقه لامجامله انت شاعر من الطراز الاول

صح لسانك يامبدع


حفيد سهوم المنايا صح لسانك ولاهنت


متابع

[حوت البحور]

الله الله صحت لالسن والقلوووووووووووب تحياتي للجميع

[سعد حميد الثبيتي]

مانبا القاف خله ودنا بالثمينه= والمثل قال ماللحمله الا جملها
ان كسبتوا على صاحبك ماهي غبينه= وان لحقكم خساره نازله بيت اهلها

[طائر الاشجان]

ابك انا مسكين على قد حالي مغير ادربيها ههههه

العلم كله عند اهل البشوت الحمر والصقور الذهيبه


الشرف لي والفايده لي طال عمرك


تفضل زاد فضلك

ياسهوم المنايا فعلكم خابرينه = دفـٌها يازميلي لين يدرج عجلها
الردا بايعينه والوفا مشترينه = كلن نفس ٍ تلاقي عند ربي عملها

[طائر الاشجان]

عقاب العنزي

مشكور ياطويل العمر على المجامله اللطيفه من شاعر بحجمك


صح بدنك شرفت ونورت ياعزيزي

[مرداس]

طائر الاشجان صح لسانك




دكتور قوافي





حفيد سهوم المنايا صح لسانك




متابع للعمالقه للفائده

[طائر الاشجان]

حوت البحور


صح بدنك شرفت ونورت ياطويل العمر

[طائر الاشجان]

سعد الثبيتي

يوم الله انجاني هههه سبقك الرجال وكلكم على العين والراس

صح بندك شرفت ونورت