اقرب شاعر ..

[المقدام]

سلام في مبتدى القيل .. ينصى رجالً مناعير ../.. اهل الكرم والمواقيف .. سلام في مبتدى القيل

الوقت باقي من الليل .. يكفي لكشف التقارير ../.. وماظن فيها مناكيف .. في مابقالي من الليل

[فزاع الاسعدي]

يامرحبا صبحن وليل .. ياصلك دون التواخير // منصات ماهي صواديف .. يامرحبا صبحن وليل

لاصرت شاعر ولك حيل .. عطنا علوم ومناوير // لو قلت فيها تكاليف .. يوم انت شاعر ولك حيل

آخر تعديل فزاع الاسعدي يوم 25-Jun-2009 في 12:53 AM.

[المقدام]

دام البقا ياهل الخيل .. اعداد من يارد البير ../ وأعداد من يكرم الضيف ..دام البقا ياهل الخيل

الوضع بين المشاكيل .. طيرً تكاتف مع الطير ../.. والوضع من قدمكم شيف .. الوضع بين المشاكيل

آخر تعديل المقدام يوم 25-Jun-2009 في 01:20 AM.

[فزاع الاسعدي]

لاتحسبه بنن وهيل .. الوضع ياصاحبي غير // قدمك نار ومحاويف .. لاتحسبه بنن وهيل

انته تخايل لك مخيل .. من صبح مدري من عصير // وبالليل دايم تخاويف .. وانته تخايل لك مخيل

[المقدام]

فزآع ياعـآدل الميل ..أعدل ولاتعكس السير ../.. ثمً تشوف المضاريف .. فزاع ياعادل الميل

صاحبك مايبخس الكيل .. ويومن بما فـالمقادير ../.. وأن كان خايف من الطيف .. حذراك لاتبخس الكيل

[فزاع الاسعدي]

ياقدر يامثل ماقيل .. ليتك مغطى للاخير // من شان ما نكشف الزيف .. ياقدر يامثل ماقيل

مقدام لكنك احليل .. ياطعس ماتشبه النير // محواك كله سواليف .. ياكيف مقدام واحليل

[المقدام]

ياهيه لاتنطح السيل .. وأظن قد جاك تحذير ../.. وبيٌنت لك ضربة السيف .. وتقول ابـ أنطحك ياسيل

اسمو كما الجدي وسهيل .. وجاوب كلامي بتقدير ../.لو كان ترقى المشاريف... ملزوم تسمو كما سهيل

آخر تعديل المقدام يوم 25-Jun-2009 في 03:19 AM.

[سعد حميد الثبيتي]

شكرا لكما فزاع الاسعدي والمقدام لقد اتحفتمونا بهذه الابيات الرائعه بين النقض والفتل تقبلوا خالص تحياتي ابو فواز

[فزاع الاسعدي]

صح لسانك يالمقدام كان ودي نكمل امس بس حصل ظروف وطلعت



ولاهنت ياخوي ...

[فزاع الاسعدي]

المشاركة الأصلية كتبت بواسطة سعد حميد الثبيتي

شكرا لكما فزاع الاسعدي والمقدام لقد اتحفتمونا بهذه الابيات الرائعه بين النقض والفتل تقبلوا خالص تحياتي ابو فواز

حياك ياابو فواز مرورك اسعدنا ...