هديّة عتيبي لعتيبي

[هلال العتيبي]

هذه القصيدة إهداء مني للاستاذ سليمان العتيبي
في حفل تقاعده

عزّ الكلام وهاجسي طير حوران=له في جزيل الشعر بصمة وعنوان
طيرٍمحلّق في سما الشعر دايم=الموهبة مخلاب والعرف جنحان
بين السما والارض يكفخ جناحه=يدوّر الجزلة ولو سد طهران
اليا نويت اكتب جديد المثايل=وابيات مثل ابيات نايف وضيدان
تجي تسابق من هناك وهنيّه=احلى البيوت انواع واشكال والوان
وانا اتخيّر في سمان المعاني=واكيل من صافي هجوسي بميزان
اليانقدت البيت ادوّر بداله=وانقّي بيوتٍ تليق بسليمان
يستاهل الجزلة زبون المعالي=شيخٍ بنى صرح الوفا فوق سيسان
مديرنا تاج الكرم والشهامة=فخر المنابر والقصايد والاوزان
من حقّه اكتب له قصيدة فريدة=ابياتها فضة ولولو ومرجان
لو الشعر يوفي سليمان حقّه=يمطرله احساسي قصايد وقيفان
ابو يزيد اللي يقود السفينة=عزالله انّه خير قايد وربان
ابحر بها وسط البحور العميقة=حتى رست بأمر الولي عالي الشان
بحر المروّة والندى في يمينه=لاهان ظفرٍ ينشد المجد لاهان
طلق الحجاج اكرم من الريح وانقى=(نباه)مثل الهيل فدلال رسلان
تسامح وحزم وتواضع ونخوة=انسان مع نفسه ومع غيره انسان
هامة وقامة من بيوت الزعامة=من ربعنا العتبان ذربين الايمان
اليا نصيته تاجده في محلّه=من خلقته نايف كماضلع غزوان
عنوان للعليا وكلٍ يدلّه=ينشاف مثل البرق في غرّ الامزان
لايق لك التكريم ياطير شلوى=هقواتك سمان ومعاريفك سمان
لسان حال الشعر عنك يتحدّث=يركزك للأمجاد راية ونيشان
وكان التقاعد نوّخت لك ركابه=يبقى الذهب غالي على مر الازمان
تلقى الفرح نوٍ تقادح بروقه=وتفيض بسيوله شعابٍ ووديان
الرزق ماهو في دوام ووظيفة=ونوّ الامل مايمطر هموم واحزان
تلقى مكانك في صدور المجالس=بين العوارف والمشايخ والاعيان
وتلقى مقامك في صدور النشامى=شامخ وراسخ فالقلوب وفالاعيان
وعند ازملاك ارفع من البدر واعلى=هذا مقامك عندنا ياكحيلان
عاملت طلابك بعطف وأبوّة=فقلوبهم ذكراك عودة وريحان
هذا حصاد احسانك اللي زرعته=من يزرع المعروف يجزى بالاحسان
قدّمت للتعليم زهرة شبابك=بذل وعطا وابداع واخلاص واتقان
علمتنا وشلون معنى الإدارة=ومعنى التفاني للقيادة والاوطان
اتقنت فن السيطرة والقيادة=بعبقريّة قايد وذوق فنان
واخلاق محمودة وخبرة عريضة=الحلم حلم شيوخ والصدر ميدان
ماتحمل بذور الردى والضغينة=زرعت من طيبك للاجيال بستان
كان اللواء والركن رتبة عظيمة=انته بدون مواخذة (جمّلة اركان)
جودك نهر جاري وشهرتك شهرة=وسمعتك كالألماس غالية الاثمان
وقبل اطوي الصفحة بصفحة جديدة=غلاك ماهو رايحٍ في خبر كان
نبا السموحة ياكريم السجايا=لن جاك زلّة وقت زودٍ ونقصان
وآصالةً عن نفسي وعن حروفي=ونيابةً عن ازملانا والاخوان
تبقى الأخوّة راسخة ماحيينا=ويبقى الوفاء دلّة وهيل وفنجان
هذا وعد والرجل يوفي وعوده=واهل الوفاء والصدق شرواك شجعان
والله يعوضنا بشرواك فارس=المدرسة مصنع رجالٍ وفرسان
نلقى عوضنا في عويّض وحامد=في ليث الاد سواط في شبل وقدان
والمعذرة لو ماانصفتك القوافي=منك العفو والصفح يالسيف شامان
يقوله اللي جدوله هد حيله=عشرين حصّه حملها هد الابدان
وثنتين يلحقها نشاط وريادة=واشراف فالفسحة قصم ظهر وامتان
والاحتياط الياسلمته غنيمة=قال المثل يجي مع الدهر عوّان
واختامها صلّوا على خير هادي=نبينا المختار من نسل عدنان

[ابو محمد الدعجاني]

المشاركة الأصلية كتبت بواسطة هلال العتيبي

هذه القصيدة إهداء مني للاستاذ سليمان العتيبي
في حفل تقاعده

عزّ الكلام وهاجسي طير حوران=له في جزيل الشعر بصمة وعنوان
طيرٍمحلّق في سما الشعر دايم=الموهبة مخلاب والعرف جنحان
بين السما والارض يكفخ جناحه=يدوّر الجزلة ولو سد طهران
اليا نويت اكتب جديد المثايل=وابيات مثل ابيات نايف وضيدان
تجي تسابق من هناك وهنيّه=احلى البيوت انواع واشكال والوان
وانا اتخيّر في سمان المعاني=واكيل من صافي هجوسي بميزان
اليانقدت البيت ادوّر بداله=وانقّي بيوتٍ تليق بسليمان
يستاهل الجزلة زبون المعالي=شيخٍ بنى صرح الوفا فوق سيسان
مديرنا تاج الكرم والشهامة=فخر المنابر والقصايد والاوزان
من حقّه اكتب له قصيدة فريدة=ابياتها فضة ولولو ومرجان
لو الشعر يوفي سليمان حقّه=يمطرله احساسي قصايد وقيفان
ابو يزيد اللي يقود السفينة=عزالله انّه خير قايد وربان
ابحر بها وسط البحور العميقة=حتى رست بأمر الولي عالي الشان
بحر المروّة والندى في يمينه=لاهان ظفرٍ ينشد المجد لاهان
طلق الحجاج اكرم من الريح وانقى=(نباه)مثل الهيل فدلال رسلان
تسامح وحزم وتواضع ونخوة=انسان مع نفسه ومع غيره انسان
هامة وقامة من بيوت الزعامة=من ربعنا العتبان ذربين الايمان
اليا نصيته تاجده في محلّه=من خلقته نايف كماضلع غزوان
عنوان للعليا وكلٍ يدلّه=ينشاف مثل البرق في غرّ الامزان
لايق لك التكريم ياطير شلوى=هقواتك سمان ومعاريفك سمان
لسان حال الشعر عنك يتحدّث=يركزك للأمجاد راية ونيشان
وكان التقاعد نوّخت لك ركابه=يبقى الذهب غالي على مر الازمان
تلقى الفرح نوٍ تقادح بروقه=وتفيض بسيوله شعابٍ ووديان
الرزق ماهو في دوام ووظيفة=ونوّ الامل مايمطر هموم واحزان
تلقى مكانك في صدور المجالس=بين العوارف والمشايخ والاعيان
وتلقى مقامك في صدور النشامى=شامخ وراسخ فالقلوب وفالاعيان
وعند ازملاك ارفع من البدر واعلى=هذا مقامك عندنا ياكحيلان
عاملت طلابك بعطف وأبوّة=فقلوبهم ذكراك عودة وريحان
هذا حصاد احسانك اللي زرعته=من يزرع المعروف يجزى بالاحسان
قدّمت للتعليم زهرة شبابك=بذل وعطا وابداع واخلاص واتقان
علمتنا وشلون معنى الإدارة=ومعنى التفاني للقيادة والاوطان
اتقنت فن السيطرة والقيادة=بعبقريّة قايد وذوق فنان
واخلاق محمودة وخبرة عريضة=الحلم حلم شيوخ والصدر ميدان
ماتحمل بذور الردى والضغينة=زرعت من طيبك للاجيال بستان
كان اللواء والركن رتبة عظيمة=انته بدون مواخذة (جمّلة اركان)
جودك نهر جاري وشهرتك شهرة=وسمعتك كالألماس غالية الاثمان
وقبل اطوي الصفحة بصفحة جديدة=غلاك ماهو رايحٍ في خبر كان
نبا السموحة ياكريم السجايا=لن جاك زلّة وقت زودٍ ونقصان
وآصالةً عن نفسي وعن حروفي=ونيابةً عن ازملانا والاخوان
تبقى الأخوّة راسخة ماحيينا=ويبقى الوفاء دلّة وهيل وفنجان
هذا وعد والرجل يوفي وعوده=واهل الوفاء والصدق شرواك شجعان
والله يعوضنا بشرواك فارس=المدرسة مصنع رجالٍ وفرسان
نلقى عوضنا في عويّض وحامد=في ليث الاد سواط في شبل وقدان
والمعذرة لو ماانصفتك القوافي=منك العفو والصفح يالسيف شامان
يقوله اللي جدوله هد حيله=عشرين حصّه حملها هد الابدان
وثنتين يلحقها نشاط وريادة=واشراف فالفسحة قصم ظهر وامتان
والاحتياط الياسلمته غنيمة=قال المثل يجي مع الدهر عوّان
واختامها صلّوا على خير هادي=نبينا المختار من نسل عدنان

صح السانك واعتلا شانك ويستاهل الممدوح

[طيب]

صح لسانك الف وثلاث أصفار...

[علي فلاح العضياني]

صح لسانك يا هلال مدد بلا عدد



بيض الله وجهك على كل حرف كتبته



قصيده شامخه بشموخ شاعرها الكبير




لا تحرمنا ابداعاتك طال عمرك

التوقيع

(( رأس الحكمه مخافة الله ))

[هلال العتيبي]

المشاركة الأصلية كتبت بواسطة ابن غزاي الخظري

صح السانك واعتلا شانك ويستاهل الممدوح

ابن غزاي
صح قلبك
مرورك وسام لاعدمناك

[أبو مرحبا]

يستاهل الممدوح

صح السانك ياهلال العتيبي

قصيده رائعه

الله لايهينك

احترامي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محمد عايض الثبيتي]

شكرا لك وصح لسانك

[مطلق الهراني]

صح لسانك يا هلال العتيبي

[فهد النفيعي]

صح لسانك مدد بلاعدد

وقواك الله

[محمد العتيبي]

صح لسااانك مدد يالغالي .. ماقصرت

التوقيع

للتواصل عبر twitter تويتر al_bargawy@