لا يانفود السر

[مرزوق بن دحيم]

كانو هنا يانجد بدوً مقيمين= اهل القيم واهل الوفا والشهامه
اهل البيوت اللي على المنزل الزين= فوق النبا ماهي بتحت العدامه
واهل الطروش اللي تدك الميادين= والوسم فوق ارقابهنه زعامه
هاذي مفاليها من اول وهالحين=ليا شافها الطماع تبرد عظامه
كم صاح فيها النجر وسط الدواوين=صيحة كرم ماهيب صيحة رخامه
والحيل يزهاها الشحم فالصواوين= فيهم كرم ربي صفات وعلامه
ياطيبهم في حزة العسر واللين= ربعن لهم فالطيب ذروة سنامه
ابيوتهم تثبت كما سور برلين= وتشبه لضلعان الحجاز ابمقامه
افعالهم وصلت ليا الغرب والصين= وارصادهم يقرا ويكتب كلامه
والحين امدبها النظر وين لياوين= يرجع عليه بنهزام وملامه
ساعه وقفت وكنها عدة اسنين= صحتني انفاس الانين والامه
لايانفود السر لا تدمع العين= دمعك عليه مثل يوم القيامه
هنا وطينا بالقدم والزمن شين= وعدونا ما يهتني في منامه
حنا عتيبه مرجحين الموازين= اليا احتدم عج الرمك والتحامه
مانشجب ولاننكر الفعل وندين=نقلط وكنا قالطين الكرامه
ولاهيب حب خشوم ومصافح ايدين= يوم يرمل لابسات اللثامه
نرسي كما ترس الرواس الظلاعين= وسيوفنا تارد على كل هامه
لياثار عج الخيل مثل البراكين= بالدم نغسل جوها من عسامه
ولا سجدنا غير لله امطيعين= ولله علينا طاعته والتزامه
وختامها جعل السحاب الودادين=يمطر على خد العذيه كرامه

مرزوق بن دحيم

[مرزوق حمدان العتيبي]

..
.

صح لسانك يالسمي واعتلا شانك
ابدعت

..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[عبدالرحمن الهيلوم]

حنا عتيبـه مرجحيـن الموازيـن
اليا احتدم عج الرمـك والتحامـه


صح السانك يالطيب الغالي

[راعي الشيمه]

صح لسانك بيض الله وجهك على هذه القصيده الجزله

[السميــــــري]

قصيدة ..
من فكر أبداعي وهاجس جزل بالمعاني ,,,

ص لسانك يامرزوق ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[نايف الجازي]

بيض الله وجهك يامرزوق

انا قريتك في قصيدتك

كلك شموخ وشهامه

صح لسانك حتى ترضى

[فهد النفيعي]

صح لسانك وبيض الله وجهك

[سـامــي النفيعي]

صح لسانــكـ يامرزوق ..

[>>>>ابــن حــشــر......]

صح لسانك يالذيب

[عبدالله بن طلال]

.
.

صح لسانك يا مرزوق

وقفت على الأطلال

رسمت صوره فنيه رائعه

وعزفت على وتر الحنين للماضي

بيض الله وجهك


.

آخر تعديل عبدالله بن طلال يوم 29-Nov-2008 في 03:52 AM.