قصيده اعجبتني

[فهد النايف]

[poet font="Simplified Arabic,4,blue,normal,normal" bkcolor="white" bkimage="backgrounds/11.gif" border="ridge,4,darkred" type=0 line=200% align=center use=ex length=0 char="" num="0,black" filter=""]
{{بقايا زهابي}}
حان السفر واخذت اجهز ثيابي ~~~مجبور اخلي ديرتي والحبايب
وبرمجت موعد رحلتي في حسابي~~~وودعت خلاني شبابه وشايب
ويومين بديت اجمع بقايا زهابي~~~مرت على دولاب فكري عجايب
ذكرت لاجا الموت يطق بابي~~~ويقول جهزنا الكفن والنصايب
واحترت وش بتكون صيغه جوابي~~~وانا العمر كله ذنوب ومصايب
وسرحت افكر يوم يطوي كتابي~~~في يوم تبكيني هلي والقرايب
وقامت تجاذبني مراحل شبابي ~~~يوم العقل فيها عن البال غايب
ومرت على شاشه خيالي ركابي ~~~ولا شفت خيرن فوق ذيك الركايب
وقمت اتخيل فزتي من ترابي ~~~وقتن به الدنيا دمار وخرايب
يومن به حدود العرق للعلابي~~~والناس تنظر حل كل الطلايب
قلت الله الخيره شبابي غدابي ~~~وش حيلة اللي مات ماصار تايب
طالبك يامن تدري بكل مابي ~~~من اول التكوين لتلى الصلايب
انك تسامحني وتلغي عذابي~~~من صفحتي حيثك جزيل الوهايب
انا ضعيف ولا يزبن اجرابي~~~وانت الكريم ولاحدن منك خايب
ارجيك لاتم العدد في نصابي~~~انك تزكيني ابليا شوايب
وتهد ذنبن كنه الحيد نابي ~~~وتبدله بجنانك ام العجايب
والخاتمه ياللي سمعتوا خطابي~~~تفكروا كل ماعلى الارض ذايب
وصلو على المبعوث عنا يحابي ~~~الله بعثه لحل النشايب

راشد عثمان السكران
[/poet]