ياحبيب العازمي صبرك وتسمع خبر؛؛؛؛ملفي المورقي....وحبيب العازمي!!!!!

[عبد العزيز العضيــاني]

اعزائي الكرام.....


السلام عليكم ورحمة الله وبركاته


نحن في هذه الايام نرى في فن القلطه الغث والسمين؟!؟!؟


فانا اليوم اتيت لكم بطاروق فريدا من نوعه وليس بمستغرب



لانه عباره عن محور حديث بين علمين من اعلام الشعر في الخليج فهم :



الشاعر ملفي المورقي

و

الشاعر حبيب العازمي



فبلا شك الكل منهم لايريد مقدمه بمعني اصح (اغنياء عن التعريف)


لااريد ان اطيل عليكم؛؛؛؛؛؛؛؛؛


ولكن نقلت لكم هذا الطاروق

لنرى الفرق بين الشعراء والمستشعرين ؛؛؛؛؛؛؛؛؛؛؛؛؛؛؛



ملفي المورقي

ياحبيب العازمي صبرك وتسمع خبر= تدرٍ دنياك ماتبقى عاى حالها
جوجٍ وماجوج قوم يشربون البحر=لكن ياناس فال الله ولافالها

حبيب العازمي

الله يعز البلد والله يجيب المطر=والله يجيبك نهار العيد مشتالها
ياملفي المورقي ماعاد عندك صبر=حتى العرب تعترضها مالك ومالها

ملفي المورقي

دارٍ غشاها الربيع وداروقت حمر=ماكل واحد توافق هرجةٍ قالها
ماش اعتراضٍ على حكم القضاء والقدر=لكن ربك يجاز الناس باعمالها

حبيب العازمي

العام تحفر قبر واليوم تدفن قبر=تدفن جنايز عباد الله وتبرالها
...................................=..................................

ملفي المورقي

الوقت تعرف رجاله طال ولا قصر=جميع هجره بدولتها وبرجالها
....................................=....................................

حبيب العازمي

صدقت يالمورقي ماشلتها في الظهر=لكن يدري عن الاسفار حمالها
حتى لونك يابو وافي طلعت القمر=لو فيه دله ترى مشروب فنجالها

ملفي المورقي

اظنها ياحبيب غصة في النحر=وان كان جت فالنحر ياصعب محوالها
العيد واضح وشمسه بينه من عصر=ماهوب مثل الليال السود وهلالها

حبيب العازمي

الغصه انته ياملفي مير ربي ستر=يالقمةٍ مايزور الجنه اكالها
لون الايام خمسه والليالي عشر=ماتفهم الناس كيف اولالها اولالها

ملفي المورقي

صحيح عله ليا طق الحجر بالحجر=سم ٍيوطي لسان الكبد وطحالها
دعواك هذي تبي حكمه ووجهة نظر=لو كان نزلتها في غير منزالها

وسلامتكم


اخوكم\


بـــــــحــــــــر جــــــــــــــده