ياحبيب العازمي صبرك وتسمع خبر= تدرٍ دنياك ماتبقى عاى حالها
جوجٍ وماجوج قوم يشربون البحر=لكن ياناس فال الله ولافالها

الله يعز البلد والله يجيب المطر=والله يجيبك نهار العيد مشتالها
ياملفي المورقي ماعاد عندك صبر=حتى العرب تعترضها مالك ومالها

دارٍ غشاها الربيع وداروقت حمر=ماكل واحد توافق هرجةٍ قالها
ماش اعتراضٍ على حكم القضاء والقدر=لكن ربك يجاز الناس باعمالها

العام تحفر قبر واليوم تدفن قبر=تدفن جنايز عباد الله وتبرالها
...................................=..................................

الوقت تعرف رجاله طال ولا قصر=جميع هجره بدولتها وبرجالها
....................................=....................................

صدقت يالمورقي ماشلتها في الظهر=لكن يدري عن الاسفار حمالها
حتى لونك يابو وافي طلعت القمر=لو فيه دله ترى مشروب فنجالها

اظنها ياحبيب غصة في النحر=وان كان جت فالنحر ياصعب محوالها
العيد واضح وشمسه بينه من عصر=ماهوب مثل الليال السود وهلالها

الغصه انته ياملفي مير ربي ستر=يالقمةٍ مايزور الجنه اكالها
لون الايام خمسه والليالي عشر=ماتفهم الناس كيف اولالها اولالها

صحيح عله ليا طق الحجر بالحجر=سم ٍيوطي لسان الكبد وطحالها
دعواك هذي تبي حكمه ووجهة نظر=لو كان نزلتها في غير منزالها