اثـر الغـلا لاسكـن فـي قلـب رجـال% خلاه محـروم .. لـو ماهـوب محـروم (عناد النفيعي)

[فيصل المسعودي]

للشاعر الرائع /

عناد النفيعي

اثـر الغـلا لاسكـن فـي قلـب رجـال=خلاه محـروم .. لـو ماهـوب محـروم
يحـط بيـن الضلـوع العـوج مـدهـال=للوجد .. والفقـد .. والتبريـر ..واللـوم
اعروقـه تبـث مثـل ابـراج الارسـال=اربع وعشرين ساعة .. شوق .. في اليوم
تستعـرض الذبذبـه .. دمـه .. وتختـال=ويمـر بيـن الخلايـا قيصـر الــروم
وانا بعـد قمـت منـه بـطلقـة عقـال=مـن بعـد ماكنـت فيـه اطيـح واقـوم
كسرت ماكان في صـدري مـن اغـلال=وانهيـت روح التعـب فـي لـذة النـوم
على كثـر مـا يشـوف القلـب مامـال=وليا بغيتـه يميـل .. يصـد .. ويشـوم
مقفـي ولاعـاد لـه مخـرج ومدخـال=الا علـى ذكـريـات ٍ كـانـت هـمـوم
لكـن مـدري وش الـي غيـر الـحـال=كنـي ّ لقيـت بخفايـا قلـبـي عـلـوم
بعـد ادخلـت فـي حياتـه حلـوّة الفـال=علاقـة ٍ توهـا فــي جــوه تـحـوم
لـو انهـا .. حلـم مـن مبطـي ولا زال=مستوطنـه فـي شعـوره دايـم الـدوم
قلبـي معلـق عليهـا كــل الامــال=اشوفهـا نـصـي الثـانـي ومقـسـوم
اوسّـع الصـدر .. لـو تضيـق الـبـال=واكـون ظالـم وانـا بالعكـس مظلـوم
تبـدي باحاسيسهـا واصـيـر جـمّـال=في كوم .. والعالم الثانيين .. فـي كـوم
ربّت شعوري مـع انـي مربـيّ اجيـال=واخاف ابيـن غلاهـا واجـرح الصـوم
واذا مـا روضتـهـا مانـيـب خـيّـال=وان كان ماطاوعت لي .. جعلهـا القـوم
تغرّبـت وافقـدت فـي الحـب .. رجـال=شـرواه فـي تالـي الايــام مـعـدوم

منقوووول

[محمد العتيبي]

عناد النفيعي ..
وجدت في قصائده الجذب وشد
انتباه القارئ ..
وهذا اسلوب لا يملكه الا الشعراء الكبار ..
صح لسانه ..

وتسلم يداك ويسلم راسك يافيصل..
...

التوقيع

للتواصل عبر twitter تويتر al_bargawy@

[/عبد العزيز الجذع/]

الله..



ياسلام..



قصيدة رائعة جدا مثل ناقلها..



صح لسان الشاعر الرائع/عناد النفيعي.


والف الف شكر يالغالي على النقل المميز كما عودتنا.

وقواكـ الله..

[السبيــــعي]

واذا مـا روضتـهـا مانـيـب خـيّـال^^وان كان ماطاوعت لي .. جعلهـا القـوم


مع كل قصيدة ..
يزيد اعجابي برجولة وشعر هذا الشاعر الكبير والخطير
والفضل يعود لك يا المسعودي
وبفضل حسن اختياراتكـ

يامال العافية

[بدر الكريزي]

""

عنــاد النفيعي ..

يثبت يوماً بـعد يوم بإنه ..سلطـان الشعر ..

فـ لله دره ..

ألف شكـر يا فيصل على النـقل الرائع كعادتك ..

""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

آخر تعديل بدر الكريزي يوم 14-Jul-2008 في 07:04 AM.

[عبدالله الجـــذع]

عناد شاعر جميل جدا

صح لسانه على هالدره الرائعه

الف شكر لك يالغالي فيصل

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[وافي الخماش]

شاعر قادم بقوة ..

[نــايف الــبــرقــــاوي]

صح لسانه مبدع
شكرا على النقل

[الصارم 511]

بارك الله بك , شكراً أخي الكريم

[ناصرمرزوق الدلبحي]

لاهنت على النقل واللة يعطيك العافية









قصيدة رائعة












تقبل مروري