سلام الله على الله يكرمون الجار والضيفان

[الذيب الثبيتي]

سلام الله على اللى يكرمـون الجـار والضيفـان = رجال ٍ فيهم الهيبه رجـال ٍ فيهـم الطيبـه
مادامك تاجر ٍ ربحان مادامك شاري ٍ خسران= سعرهـم ماهـو الاول تغيـر كـان تـدري بـه

الرد مفتوح للشعراء .....

[راعي الشلفا]

هلا يامرحبا ياضيف قلط وافتح البيبان=على سمن وسمين وكيف راس الضيف نبديبه
علام الحب نصه ممتلي بالسوس يالثبتان=وهاذي شرهتن ياكبرها في معجم عتيبه

[الذيب الثبيتي]

يدوم الك البقا والبيت مايثبت بلا سيسان = وبعده عاوي ٍ ذيبه وقبله عاوي ٍ ذيبه
تدور لثبيتي شرهتـ(ن) لكن قدمك بان = كرمنا لا لفيت الدار تدري به وتحكي به

آخر تعديل الذيب الثبيتي يوم 10-Jul-2008 في 09:31 AM.

[وافي الخماش]

صح السنتكم وبدعة مميزة يا بن هليل واصلوا ..

[الذيب الثبيتي]

صح بدنك اخوي واااافي الخمااااش
والمميز مرورك

[راعي الشلفا]

ولا ياكثر ماشفنا الذياب الشهب ياذيبان=ابه ذيبٍ سكن حره وذيب الضلع وشعيبه
وأنا ماذمكم ياطيبكم يوم القنا والزان=لكن البحر الاحمر يغرقك وتقول مرهيبه

[الذيب الثبيتي]

تشوف الذيب لكن البلاء انك ركاب ٍ بحصان = ولاتنزل من حصانك ولا ترقى مراقيبه
وانا ماهمني شلفاك فالضلعان والوديان = مادام ان السيوف حداد بكره ماعرف ٍ غيبه

[وافي الخماش]

الله


الله


صح السنتكم


واعجبني بيت ابن هليل ولا يهون راعي الشلفا ..

تشوف الذيب لكن البلاء انك ركاب ٍ بحصان *** ولاتنزل من حصانك ولا ترقـى مراقيبـه

[الذيب الثبيتي]

صح بدنك اخوي وافي

وانا اشهد انك وافي والله

اشكرك على المتابعه الرائعه منك

[راعي الشلفا]

تقوله وانت راكب لك جمل تشعبه الخليان=تنطح للهبوب البارده والراس يوميبه
أنا شلفاي نكبه لليهود و عز للعتبان=عليك الله وامانه لو حد السيف تنويبه

آخر تعديل راعي الشلفا يوم 10-Jul-2008 في 04:23 PM.