سلام الله على اللى يكرمـون الجـار والضيفـان = رجال ٍ فيهم الهيبه رجـال ٍ فيهـم الطيبـه
مادامك تاجر ٍ ربحان مادامك شاري ٍ خسران= سعرهـم ماهـو الاول تغيـر كـان تـدري بـه

هلا يامرحبا ياضيف قلط وافتح البيبان=على سمن وسمين وكيف راس الضيف نبديبه
علام الحب نصه ممتلي بالسوس يالثبتان=وهاذي شرهتن ياكبرها في معجم عتيبه

يدوم الك البقا والبيت مايثبت بلا سيسان = وبعده عاوي ٍ ذيبه وقبله عاوي ٍ ذيبه
تدور لثبيتي شرهتـ(ن) لكن قدمك بان = كرمنا لا لفيت الدار تدري به وتحكي به

ولا ياكثر ماشفنا الذياب الشهب ياذيبان=ابه ذيبٍ سكن حره وذيب الضلع وشعيبه
وأنا ماذمكم ياطيبكم يوم القنا والزان=لكن البحر الاحمر يغرقك وتقول مرهيبه

تشوف الذيب لكن البلاء انك ركاب ٍ بحصان = ولاتنزل من حصانك ولا ترقى مراقيبه
وانا ماهمني شلفاك فالضلعان والوديان = مادام ان السيوف حداد بكره ماعرف ٍ غيبه

تقوله وانت راكب لك جمل تشعبه الخليان=تنطح للهبوب البارده والراس يوميبه
أنا شلفاي نكبه لليهود و عز للعتبان=عليك الله وامانه لو حد السيف تنويبه