اثر خلان الهـوى مـا يرحمـون @ @ يقتلـون المبتلـي قبـل الوفـاه ( غزلية رائعة)

[فيصل المسعودي]

قصيدة رائعة لشاعر قديم من شعراء الخليج القدامي

الشاعر/

حمد المغلوث رحمه الله

حمام ناح في عالـي الغصـون=ذكـر المفجـوع محبـوب جفـاه
كل ما قلت الولـع منـي يهـون=غـرد القمـري وذكرنـي هـواه
اشهد ان الحب من عرض الجنون=واهني اللـي مريـح مـن عنـاه
سم حالي حـب سحـاب الـردون=نابي الردفيـن مـردوع الشفـاه
بو جبين لـون بـراق المـزون=من مظاليم الدجى يوضـي سنـاه
ان خزرني ثـم سلهـم بالعيـون=صحت من حر الهـوى واعزتـاه
من هقا ان الصاحب الصافي يخون=يوم يجفاني وانا امشي في رضـاه
اثر خلان الهـوى مـا يرحمـون=يقتلـون المبتلـي قبـل الوفـاه
ما تفيـد بـه القصائـد والفنـون=جادل شابت عيونـي فـي رجـاه