من قصائد جهينة (1)

[ابومسلط]

[TABLE="width:70%;"][CELL="filter:;"]

الشاعر عيد بن حميد العرفي الجهني شاعر يجيد طرق الشعر بأسلوب مميز وأرسل هذه الأبيات للشاعر حمد بن مسعد العنيني الجهني.
يقول فيها :

[/CELL][/TABLE]

[/ALIGN][/COLOR][/SIZE][/FONT][/CELL][/TABLE][/ALIGN]
[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياونتي ونت طريح الفراشي = يشكي مرض بيٌن وخافي ورعاش
في غرفة المنعش تعذر انعاشي = وأملي وصبري مات في قسم الإنعاش
رابطك ياجاشي على ما يجاشي = واللي بجاشي يسرق الحال والجاش
وراسي من اللي دوٌش الروس داشي = ولا عميت الرويا براس الرجل داش
أون مثل اللي عظامه طشاشي = من دون رامي صاب قلبي سهم طاش
ياعين هلي ذارف الدمع كاشي = هلي دموع العين من نبعها كاش
على عشير باعني عند واشي = يقطع ولاياصل تقل فاس قراش
الود والعشره بدت بالتلاشي = وانا عليها ينهش القلب نهاش
لو كان مدري حضنا ويش حاشي = العبد ماله غير رزقه وما حاش
اللي صفت له عيشته والمعاشي = واللي نصيبه باش من عرض من باش
كلن على عقله وممشاه ماشي = ومن لا يساير ساير الناس ماعاش
يالله بغيث تالي الليل ناشي = سيله حدر سهاب نهاب قشاش
يجلا الدهر عن دارنا والمواشي = يسقي نفوس تعيش وكبودها عطاش
تروا وتبتل الكبود العطاشي = برد وسلام وغيم دايم ورشراش
أما نعيش بخير والا بلاشي =الموت أخير من المعيشه على ماش
بعض العرب عن حالتي مادراشي = والبعض الاخر لو درا ماعتبرهاش
يوم اختلط جو الكدر بالغطاشي = صار السما لحافي والارض اصبح فراش
نرفع لجبر حمود بيض القماشي = بيض بياض الشاش وابيض من الشاش
قرم شجيع بماقف الهوش هاشي = اليا نخيته هاش واليا غضب هاش
معروف لاجا ماقفه مايخاشي = يوم الردي في ماقفه عود خشخاش
وللشيخ مسعد ناصعه تقل تاشي = ولعياله اللي فيهم الطيب جياش
ثقال الصحون مذبحين الكباشي = قلوب العدا من خوفهم تورش اوراش
عنينات ما يركز نسبهم بلاشي = أشبال نمر لاسمع بالخطر شاش
ونشمي لفعل الطيب ماله معاشي = ماهو من اللي صفق ايديه وانحاش
والصنف الاخر مثل برق الفراشي = يبعد عن الطيب وياقع مع اللاش
هكر الهبيش مفليه بالهباشي = ترعى هبيش العام من دون طراش
وحمل الجمل ماينطحه كل حاشي = لكن صار ميارق الريش غشاش
استثني اللي مايجيبه غشاشي = ولا علق الواجب براس ابو طباش
أنقد كلامي مثل نقد الشواشي = مالي بذكر اجناس مابروسها عراش
صلو عدد حب الرمال الهشاشي = على النبي سيد الاعاجم والاحباش
[/poet]

[TABLE="width:70%;"][CELL="filter:;"]

وقد رد الشاعر حمد بن مسعد العنيني الجهني على الشاعر عيد بن حميد بقصيدة.
يقول فيها :

[/CELL][/TABLE]

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياراكب اللي من جديد القراشي =صنع الخواجه يوم سواه ياواش
يمشي مسيره مع طريق العشاشي = ينتظره اللي موعده بس ماجاش
يمشي ازفلت ولا يروح العكاشي = لاتقوله يطرد ولاتقول منحاش
مر المريويه وكتٌ الرياشي = لامحرق زيته ولا ديتره غاش
يحوفه السواق لجل المعاشي = كم واحد في هالسيايير معتاش
سواقه اللي ضاريٍ للمماشي = ان شفت شكله قلت هذاك حناش
ياصل لعيد حميد قبل الغباشي = في مجلس يلقى به دلال وفراش
الجيب مهدالك هديد بلاشي = ايضا بوسط الجيب بندق ورشاش
موضوعكم مافاد فيه النقاشي = ياما ناقشنا وضعكم بس مهناش
العد عوهل والبقيه مشاشي = والمدرسه تبغى مدرس وفراش
والناس صايبها سواة الخراشي = والكل يبي يفزع وبيديه معماش
واللي مشى لاتسأله وين ماشي = مايصلح الا غير قراض نتاش
كنه منافق قال فضي نحاشي = وكم واحد لا قيل له فض ينحاش
ونرجي لك التوفيق مع حظ ناشي = والصبر زين ويمدح الصبر من عاش
وكم واحد قبلك تولع وداشي = ومقيط محدٍ يطرحه غير لاداش
والارض لاجاها من الوبل ناشي = يعجلك لو بيديك شوكه ومنقاش
والرعي ينبت بالفضا والحواشي = وتسمع مع الرعيان لعبٍ وبشباش[1]
واصل العرف معروف ماله معاشي = عدوهم مايضربونه تنواش
بلغ سلامي كل جالس وماشي = من ابو حميد اللي بوسط الفرع عاش
وان كان بالقيفان مثل الهواشي = لعبة بلوت اليا انتهت لعبته كاش
[/poet][HR]

][1] مزمار]