السلام عليكم ورحمة الله وبركاته
البارحـه يـوم الثـريـا تويـقـي=
يـوم كـلٍ فـي لذيـذ الكـرى راق =
وقفت لين الشـوف جالـه بريقـي=
مثل السراب اللي على البعـد لهـاق =
أخيـل بـرقٍ صـوب واد العقيقـي=
ماشفت مثله يفضـح الليـل بـراق =
عسـاه يسقـي دار ذاك الفريـقـي=
لو رغبتي ما عاد بـاقٍ لهـا بـاق =
وذيك الدير مانـي عليهـا شفيقـي=
تطيب منها النفس وتضيق الاخـلاق =
قزرت عمري في بحرهـا غريقـي=
متحمّل ٍ كـل المتاعـب والارهـاق =
لين انكشف وجه العـدو والصديقـي=
والرفقه اللي حبلها رمـث ودقـاق =
ولا كلفـت نفـسٍ بمـا لا تطيقـي=
تبينت لي كنهـا شمـس الإشـراق=
وانا ليا شفت الجفـا مـن رفيقـي=
وصار الامل حبر ٍ على بيض الاوراق=
قابلـت غلطاتـه بوجـهٍ طليـقـي=
ونظرت له نظرة محـب ٍ ومشتـاق=
أعطيه حتـى مـن منامـه يفيقـي=
لا كلمةٍ سمعـت ولا خاطـرٍ ضـاق =
حتى يعـرف انـي رفيـقٍ حقيقـي=
وليا انحرف ماهو على باب الارزاق =
يروح في دربه وانـا فـي طريقـي=
من خلقت الدنيا بها جمـع وافـراق =
وعليّ بيبـان الفـرج مـا تضيـق=
أسوقها فـي كـل ديـره وتنسـاق=
وابعد عن اللي رفقتـه مـا تليقـي=
ماني على جنبـه معلّـق بمعـلاق =
ياكثر مالي في الدير مـن صديقـي=
لا بارت العملـه وشحّـن الاسـواق =
صداقـةٍ تبنـا بـسـاس ٍ وثيـقـي=
لا عقربٍ تلدغ ولا مـوس حـلاق! =
09-May-2008, 01:32 PM
رشيد الزلامي
العرض العادي
