قصة وقصيدة الشاعر : جحيش السرحاني بأولادة

[شبيب شافي الملعبي]

لقد حثنا ديننا الحنيف على بر الوالدين
كما قال عز وجل (وبالوالدين أحسانا ) وطاعة الوالدين من
طاعة المولى عز وجل .
وكما شدد نبينا ورسولنا علية الصلاة والسلام على مراعاة الوالدين
وطاعتهم والبر بهم .

وهذا عكس ماحدث للشاعر جحيش السرحاني .

ينتمي الشاعر جحيش السرحاني لاحدى قبائل الجزيرة العربية
وبالتحديد في القرب من منطقة الجوف كما ذكر بعض الرواة عن موطنة .
ولة ثلاثة أولاد حرم نفسة من كل شي بعد رحيل زوجتة من أجلهم , وكان
يتحاشى ان ينقصهم شيا" موفرة لهم كل مايطلبونة متعبا نفسة لاجل
راحتهم ولم يلزمهم بأي عمل خشية أن يتعرض أحدهم لمكروه أو مذلة .
من أصحاب العمل .
كان هو الاب والخادم لهم . وعندما زوجهم كلهم وبلغ سن الكبر أصابه العمى ببصرة وأحلت بة شيخوخة الهرم , وأصبح كفيفا وعاجزا" عن التحرك .

وقاموا أبناءة الثلاثة بإهمالة وعدم مباشرتة ورعايته وبـأمرن من زوجاتهم
قرروا الرحيل عنة وتركة وحيدة في المراح (المكان المهجور) .

وقال هذة القصيدة بهم من قضبة عليهم يدعي عليهم بها
كفانا اللة شر مافعلوا :

قال الـــــــــــــــذي يقرا بليا مكاتيب=ياللي تقرون العمى من عناكم
ياعيالي اللي تشرفون الــــــمراقيب=تريضوا لي واقصروا من خطاكم
خوذوا كلام الصـــــــدق مابه تكاذيب=مثل السند مضمون للي وراكم
ياعيال لا صــــــــــــرتوا ضيوف ومعازيب=ترى الكلام الزين ملحة قراكم
وتروا السبابه مـــــــــــن كبار العذاريب=وهرج البلايس مايطول لحاكم
المذهب الطيــــــب فهو مذهب الطيب =والمذهب الخايب يبور نساكم
ياعــــــــــــــــــيال ماسرحتكم باللواهيب=ياعيال ماعمر المعزب ولاكم
ياما توليت القبايل تــــــــــــــــــقل ذيب =من خوف لاينقص عليكم عشاكم
وياما شريت الســـــمن من عرض ماجيب=يفز قلبي يوم يبكي حداكم
وياما قطعت مــــــــــن الفيافي العباعيب=ندور من صيد البراري غداكم
ياعيال دوكم لحيــــــتي كلها شيب=هذا زمان قعودنا في ذراكم
قمت اتوكا فوق عـــــــوج المصاليب=عطوني القرضه جزى من جزاكم
لابد يوم عـــــــــاوي دوني والذيب=بالقبر ما افرق طيبكم مع رداكم
ماني بفا ضــــحكم بوسط الاجانيب =باعمالكم يدرون كل اقرباكم
لوكان تدرون الــــردى والمغاليب=صرتوا مع المخلوق مثل خوياكم
خوالكم بالطيـــــــــــب تروي المغاليب=ولو تتبعون الجد محد(ن) شناكم
وش علمـــــــــكم ياتاركين المواجيب=حسبي عليكم هالردى وين جاكم
يالله عسى اعــــماركم شمسها تغيب=ويعتم قمركم ثم تظلم سماكم
ياعلكم في حامــــــــــــــــيات اللواهيب=ياللي على الوالد خبيثٍ لغاكم
شفت الجفا والحـــــــــــيف والغلب والريب=بضلوعكم لا بيض الله قراكم
اطلب عسى نساكم ماتحمل ولا تجيب=ولا احد من الوغدان يمشي وراكم
اخسوا خســــــيتوا ياكبار اللغابيب=اهبوا هبيتوا يقطع الله نماكم

ويقال وحسب كلام المؤرخين الباحثين بهذة القصة بأنة قد
أنقطعت ذرية أبناءة ولايوجد من سلالتهم شي .


وتقبلوا تحياتي , عسى أن يعتبر من يقرأ هذة القصة والقصيدة