الشيخ المرحوم ناصر الشغارفي القلوب

[دريد ابن الصمه]

هذه قصيدة وقعت في يدي وهي للشاعر: ياسر الغنامي العطاوي المزحمي الروقي العتيبي الهوازني المضري0000
يرثي بها فقيد عتيبه الهيلا عموما والدماسين من المزاحمه خصوصا

والحقيقه ان رجل بصفات الشيخ المرحوم ان شاء الله ناصر الشغار فقده

يحزن من يعرفه ومن لا يعرفه لما عرف عنه من المواقف النبيله لخدمة

القبيله واخلاقه الحميده ونخوته التي لم تكن حكرا على عتيبه بل تعدتها

الى الاستعانه به من قبل بعض القبائل الاخرى لتسوية خلاف او عتق

رقبه ونا صر الشغار لو اردت ان اتحدث عنه لاحتجت لعدة كتب،

رحمك الله يا ناصر رحمة واسعه واسكنك فسيح جناته وعزاؤنا في ابنائه حفظهم الله

على الرب الكريم العالي المتعالي الجبار=ولي العرش ما غيره عظيم الملك سبحانه
هو الخالق هوالرازق هو المعطي هو الغفار=بسط حكمه وما سنه تحت عرشه وسلطانه
وحنا مسلمين ولا دخل في صفنا كفار=عبدناه ورجيناه وتباشرنا بغفرانه
هل التوحيدما حدنا عن التوحيدمهما صار=ولا نشرك بمعبودعبادتنا على شانه
رضيناوارتضينا با القضاء من والي الاقدار=تخاطفنا الهموم وسلة الاحداث مليانه
الا يا طول ليل البارحه يا معشر الشعار=وانا بين الهجوس الشارده والشعر والحانه
اشم من الهبوب البارده لكندمي حار=ما تشرب به لو تهب الهبايب وسط شريانه
يقولون النفوس المستريحه طيرها ما طار=واقول الشعر طيرناقش اسمي بين جنحانه
الا يا موت ليتك وا التويت بناصر الشغار=وتركت من العباد اللي حياته ما لها خانه
لوانك لكنك سريت بخيرة الاخيار=ليا حليت في دار ما تاخذ غير شيخانه
يا كبر المعضله والحكم ما ضي والفلك دوار=فجعنا با المصاب اللي فتح للحزن بيبانه
فقدنا الفارس الشيخ الكبيرالقائد المغوار=تقي النفس محمود السجايا حافظ ايمانه
فقدنا الوافي الشهم الاصيل اللي وفاما بار=امير النخوه اللي في المواقف قر ميزانه
فقدنا الصادق اللي سيرته مع ساير الاقطار=كريم المدمع كل القبائل تذكر احسانه
فقدنا ركن من كبره لنا ضلع وحجا وستار=طويل الباع والتاريخ يعطي عنه برهانه
حقيقه ثابته والصدق يظهر ما عليه غبار=شيوخ عتيبه بخانه وابو فيحان في خانه
رحمك الله با نسل الحرار معقب الاحرار=عسى ربي يلوم اللي عليك يجاذب احزانه
عسى مثواك فا الجنه وتعتق من لهيب النار=بعيد بقدرة الله عن مقر ابليس واعوانه
وتارد فوق حوض المصطفى واصحابه الابرار=وتنعم في جنان الله تحت ظله ورضوانه

آخر تعديل أبو مرحبا يوم 27-Aug-2007 في 12:16 AM.