 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
16-Jun-2003, 03:41 PM
|
رقم المشاركة : 1 | |||||
|
سالفة الشي الذي "يستعمله الرجل3 مرات في اليوم والمرآه مره وحده في حياتها"
هذي سالفةالشقردي يومه راكب ذلوله فالصمان 223 كيلو شمال شرق الرياض
ويغني ياراكب من عندنا فوق ثنتين ... الخ. وشاف ذاك الرجال اللي لاعبتن فيه العجاج جالس وزان======> حلوه (وزان) اتحدى اذا احد قبلي استخدمها في منتدى ""فالعالم"" المهم جالس وزان هاك الحفره ودار بينهم هالحوار. الشقردي: من انت يا اخ العرب ؟؟؟؟؟؟؟ و وش اللي جابك فالمضماه هنيا وانت ما معك لا زاد ولا ركبي فرد الاعرابي: انا .... انا الذي تعرف البيداء وطائته فقاطعه الشقردي قائلا: اقول استريح بلا بيداء بلا كلام فاضي والا ترى اروح واترك فقال الاعرابي: تكفا يالي بتوصلني على فياقرا ..ياخي تراك غثيتنا انت وبعيرك وبعدين انا ابو نواف اي خدمه. فالنتفض الشقردي نفضة(ن) كادت ان تكسر ظهر البعير  وقال: هالحين انا جاي ابي افزعلك .... وتقوم تاخذني طقطقه....... واسفاه. فقال ابو نواف(الاعرابي): ياخوي من طلب منك فزعه وبعدين انا اتحرى واحد كداد خطوط يقاله ذيبان بيمرني فرد الشقردي بضحكة زي ضحكة الشرير اللي يجي في افلام كرتون وقهقة عاليه  وقال: ياخووووووي انت الظاهر ان لك شهر في هالمكان تحفر بعصاك ذي لين راحت مثل حفرة الشيول وتقول ذيبان بيجيك وبعدين اصلا ذيبان باع التكس واشترى ليموزين ولا يطلع من الرياض .... شغله كله فالمدينه يقول ان الخطوط ماعاد تخارج معه عقب ما غلوا البنزين. لاكن قم خلني اوصلك ذبحتك الشموس والعجاج فنظر ابي نواف الى الشقردي بنظرات الثقه بالنفس وقال: سقها سقها ورح دور بعارينك وانا ابخص بعمري فنظر اليه الشقردي بنظرة الحزن ثم لكز بعيره لكزة بعرقوبه المتفطر كاد ان يبعجه بها. تاركا ابو نواف يواجه مصيره المجهول. هذا بالضبط ما حصل مع ابو نواف وهو ينتظر حل اللغز اللي يقول ماهو الشي الذي "يستعمله الرجل3 مرات في اليوم والمرآه مره وحده في حياتها" ونصحه الشقردي بان ينسى الموضوع لان ماله حل ولا كنه رفض ان يستمع له. الشقردي |4| |
|||||
|
|
|
|
|
|
|
|
|
|
02-Jul-2003, 01:56 AM
|
رقم المشاركة : 2 | |||||
|
انا اشهد اني خبير في المنتديات
مثل ما انت خبير في الصمان اللي لو احط رجلي فيه اني لا ضيع ولاعمري شفت{{وزان}}فالحقوق محفوظة يا ولد العم والظاهر انها حل اللغز على كل سوالف زينه يالشقردي ولا تنسانا من الضبان اللي ماتعيش الا في الصمان |
|||||
|
|
|
|
|
|
|
|
|
|
|
02-Jul-2003, 01:58 AM
|
رقم المشاركة : 3 | |||||
|
ماعندهم في وقت شـــان{{ او زان}} 00 ماجودهم من مالهم واعبثوابه
المعذرة راحت الحقوق شف الشاعر يقولها في مدحه للهيلا وهي منشورة {{هنيا}} اتحدى الشقردي قد شاف {{هنيا.}}..في منتدى اخر او هنيا |
|||||
|
|
|
|
|
|
|
|
|
|
|
05-Aug-2003, 11:20 AM
|
رقم المشاركة : 4 | |||||
|
لا معليش فيه فرق ... او زان هذي كلمتين ومعناها غير وزان
قايلك مافيه زيها في منتدى في العالم. الشقردي محمد |
|||||
|
|
|
|
|
|
|
|
|
|
|
05-Aug-2003, 12:05 PM
|
رقم المشاركة : 5 | |||||
|
مشكور يا الشقردي على الروايه المضحكه
اكثر ماجاز لي يوم يلكز البعير بعرقوبه المتفطر ههههههههههههههههههههه تحياتي لك يا الشقردي |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
| أدوات الموضوع | |
| انواع عرض الموضوع | |
|
|
 |
 |
العرض العادي
