قضية الشعر ألا ياليتها تحسم

[العارف]

السلام عليكم ورحمة الله وبركاته
كتبت هذه القصيدة حينما رأيت بعض الناس هداهم الله ينتقدون الشعر وأهله وأهم لايعرفون من الشعر غير أسمه لذا نظمت هذه القصيدة لذود عن الشعر وأهله أمل أن تنال إعجابكم :

تعال ياشعر خل المحكمة تحكم = ما دام كلن عليك مشمر إذراعه
قضية الشعر ألا ياليتها تحسم = ويمنع عن الشعر من لا يعرف أسناعه
ياشعر تالي الليالي كأنك الأسهم = يومين فوق السماء ويومين في القاعه
بأسباب من هو بليا عرف ويتمتم = ومولع النار في نفسه بولاعه
وأنا أعرف أن العرب ياشعر ماترحم = لكن مازال لك ياشعر سماعه
كم واحدن مبتليك يقول أنا بنظم = أبنظم الشعر أجيد الشعر بأنواعه
وهو ليا طب بحرك صار متلعثم = معه السفينة لكنه فاقد أشراعه
واللي بلا موهبة في الشعر لا يحلم = الشعر سيل(ن) غزير صعب مقطاعه
وألا على الشاعر الموهوب كالبلسم = في كل شيءٍ يريده الشعر طاعه
وكم واحد ينقد الشعار مايفهم = ترى الذهب مايعرفه غير صناعه
ينقد وهو من وراء الأبواب متلثم = تلقاه طول الدهر ماينزع إقناعه
وأن شاف موهوب فوقه صار يتهجم = ويقول هذا علينا كيف مطلاعه
ونقده على الشعر لا وخر ولا قدم = لكن عينه تبا تدمع من إصباعه
الشعر ماينقده غير متعلم = في المعرفة والمعارف طايل(ن) باعه
والشعر عند العرب هو معجم المعجم = في الوزن والكيل دايم عالي صاعه
وكل القبايل بها شعّار ماتنذم = والشعر موجود حتى تطلع الساعة
والآن ياشعر ابى توقيعك وتبصم = لشاعر اللي على الجزلات منباعه
وياشعر أنا بخدمك مادام اللي تخدم = أنا كما النجم وأنت مصدر إشعاعه
وصلاة ربي على محمد وأنا بختم = صلوا على المصطفى المختار وأتباعه

العارف

آخر تعديل العارف يوم 19-Apr-2007 في 11:05 AM.

[مرزوق حمدان العتيبي]

...
.
بيض الله وجهك وصح لسانك ..
.... انت خير من يتكلم الشعر ...
.. لكن لاعاد تعود هالخط اللي كنه زنون ههههههههه فقع عيونا ..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

صح لسانك يالعارف .. وبيض الله وجهك
قصيده جزله ..
وننتظر جديدك بشغف ..

..



.

[العارف]

مرزوق العتيبي

صح بدنك ومرورك شرف لي

ولون الخط سوف أقوم بتغيره الآن لأجل عين تكرم مدينة


وتقبل فائق الأحترام

[العارف]

أبو نجر النفيعي

صح بدنك وتسلم على مرورك



لك مودتي

[السميــــــري]

..

العارف اشهد بالله .. انها رائعة بحق ..
وقصيدة جزله ومحكومه ..
وصح لسانك وفكرك وقلبك ..
..

كل الثاناء لايوفيها حقهاا ....

[العارف]

الأخ العزيز / السميري

شهادة نعتز بها من شاعر مثلك

وبيض الله وجهك مرورك شرف لي

لك كل التقدير والأحترام

[زبن القاضي]

العارف


صح الساااااااااااااااااااااااااانك والله

كفيت ووفيت

[محمد الـعـريدي]

الــعــارف

صـح الله لسـانك على هذه القصيدة

الجـزله من شــاعر جــزل

لك مني جـزيل الشـكر وأجـل التقدير

اخـوك:محمد العريدي

[العارف]

زبن القاضي

صح بدك ولاهنت
مشكور على مرورك


دمت بخير