لجنة الزور والبهتان

[غازي بن ردن]

السلام عليكم ورحمة الله وبركاته
اخواني واخواتي
اعرض لكم هذه القصيده
وهي وليدة الموقف الغصاب ومن ما احس به من قهر وظلم واضح
لايخفى عن كل واعي
واللا عتيبه معروفه وذكر امجادها وبطولتها لاتتسع له مجلدات التاريخ والمؤرخين والشعراء
ولكن كما ذكرت سابقا هذا فيض من غيض

ياللي بإرادتك وامرك سار مجرى الرياح = يامكون الناس من ما تدفق اصلابها
يامبينٍ مسلك الباطل ودرب الصلاح = يامدمرٍ قريةٍ ضلت على اصحابها
تفرج لعينٍ سهيره ماهتنت بالمراح = من غيض نفسٍ من البارح على اعصابها
مما تشوفه عيوفه مثخنه بالجراح = من لجنة الزور والبهتان واسبابها
وشلون سور الأمانه والحمى يستباح = هانت وذلت بعد مادنس ترابها
من يامن الحيه الرقطى وسمٍ ذحاح = بانيابها تنفثه لاصادت انيابها
الحقد معروف دايم في طريق النجاح = واقف وله زمرةٍ تومي بمشعابها
وأسبابٍ أخرى عن الأعين حجبها السناح = امور تخفى لكن الله هو ادرابها
لابارك الله في مدة يدين الشحاح = اللي غدت بين مدح الناس واعجابها
انكانها بالعدل يامولدين اللقاح = القافله ماشيه لو تنبح كلابها
وانكانها بالعزاوي والنخى والصياح = لاخير في لحيةٍ ماعزت اشنابها
ربعي عتيبه توردها العدود القراح = البكره اللي تدرهم تحت ركابها
زودٍ على طبعها المرغوب عفراً شناح = بالزين كل الأوادم تسلب البابها
ربعي عتيبه ليانادا منادي الفلاح = وقت الحرايب يذوق الغبن حرابها
تعرف بضرب السيوف وطعن علط الرماح = يوم الليالي تواشي راس مشهابها
يشهد لهم من دخل بوجيهم واستراح = شهرين فوق السنه محسوبٍ حسابها
وفي مثل هذي لك الله ماطلبت السماح = لو من قراها زعل من نهج كتّابها

[سعود بن مويسان]

بيض الله وجهك وابشر بعزك

[كاسر البرقاوي]

ربعـي عتيبـه ليانـادا منـادي الفـلاح
وقت الحرايـب يـذوق الغبـن حرابهـا
تعرف بضرب السيوف وطعن علط الرماح
يـوم الليالـي تواشـي راس مشهابـهـا



بيض الله وجهك وصح لسانك وهذا هو الماقف الغصاب

[ابو نادر]

بيض الله وجهك

[ابن نميان]

ربعـي عتيبـه ليانـادا منـادي الفـلاح
,,,,,,,,,,,,,,,,,,,,,,,,وقـت الحرايـب يـذوق الغبـن حرابهـا
تعرف بضرب السيوف وطعن علط الرماح
,,,,,,,,,,,,,,,,,,,,,,,,يـوم الليالـي تواشـي راس مشهابـهـا


بيض الله جهك وصح لسانك

مودتي

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[الصيرمان]

صح السانك مليووون ولا يكفون..
والتصويت مستمر ...بلا توقف..تصويت جارف للحر النداووووي

[متعب العصيمي]

ربعـي عتيبـه ليانـادا منـادي الفـلاح
,,,,,,,,,,,,,,,,,,,,,,,,وقـت الحرايـب يـذوق الغبـن حرابهـا
تعرف بضرب السيوف وطعن علط الرماح
,,,,,,,,,,,,,,,,,,,,,,,,يـوم الليالـي تواشـي راس مشهابـهـا


بيض الله جهك وصح لسانك

مودتي

[ابن عياد الروقي]

انكانهـا بالـعـدل يامولـديـن اللـقـاح
القافلـه ماشيـه لـو تنـبـح كلابـهـا
وانكانها بالعـزاوي والنخـى والصيـاح
لاخيـر فـي لحيـةٍ ماعـزت اشنابـهـا
ربعي عتيبـه توردهـا العـدود القـراح
البكـره اللـي تدرهـم تحـت ركابـها



صح السانك ملييييييييييييييييييون مره
ولا تكفيييييييييييييييييييييييييييييييييك يابن ردن

[غازي بن ردن]

سعود بن مويسان
وجهك ابيض وهذا هو المعهود عن قبائل عتيبه

[مرزوق حمدان العتيبي]

ربعـي عتيبـه ليانـادا منـادي الفـلاح
وقت الحرايـب يـذوق الغبـن حرابهـا
تعرف بضرب السيوف وطعن علط الرماح
يـوم الليالـي تواشـي راس مشهابـهـا
...
. اشهد انك مبدع
ويسعد من ربعه عتابه ..
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD