نفس(ن) من اسباب الهوى عافت الزاد=مــا همـهـا لــو كــل شـــي(ن) تـعـافـي
لا عـاد قربـك يـا اريـش العيـن لا عــاد=لا يــا عـســى تـــال اللـيـالـي عـوافــي
مـا تـاه فـي درب الهـوى غيـر الأجـواد=حـي(ن) علـى نيـه وابـو قـلـب صـافـي
يــا نعنـبـو درب الـهـوى هــم واجـهـاد=بالله مــــن يــقــدر يــقــول الـخــوافــي
كـم غــر قبـلـي مــن صنـاديـد واشــداد=محـسـن وعـبـدالله وصـقــر النـصـافـي
يــا لـيـن جــا دوري وحــدرت لــي واد=واد(ن) رمـابـي فــي فـجــوج الفـيـافـي
لــو يهـمـل الهـمـال مـــع كـــل رعـــاد=يـمـدي شـجـر بقـعـا صحـيـح إمتعـافـي
يــا مــا صـبـر قلـبـي ولـكـن مـــا فـــاد=قلـب(ن) مـن اللوعـات فـيـه ارتجـافـي
امـسـى يغـنـي مــن ونـيـنـه بـالأنـشـاد=واصبـح يـسـوي مــن دمـوعـه قـوافـي
واليـوم مـن بـعـد العـنـى جـيـت نـشـاد=تبغـى تسـوي مـا حـصـل مــن تجـافـي
واللـي جرالـي منـك يحـسـب بـالأعـداد=واللـي حصـل لـي مـن سبايـبـك كـافـي
الـقـلــب لا طــايــع ولا هــــو بـمـنـقـاد=مــا عــاد يبـغـى كـيـل مـاهــو بـوافــي
اللـي مــن أول حاسـبـك عـيـد الأعـيـاد=والـلـي مــن أول يقـطـع البـيـد حـافــي
ماهـو بـراجـع لــو رجــع شـيـخ بـغـداد=أنـــا فـراشــي رابـطــه فــــي لـحـافــي
« آخـــر الـــمـــشـــاركــــات »
عووووووووووووووافي بعد غياب
العرض الشجري