بن هريويل وبعض قصايده

[مشعل بن هريويل]

السـلام عليكم


اخواني :> اخوكم بن هريويل
بدأ يكتب بالقصيد ودي انكم تسمعوني

وابي رايكم وملاحظاتكم

قصيدتي في الجيل التالي :

يالله ياملهم العبد السكينه=يلي لك الشكر في كل الاحوال
عبدك ضاقت به عوجا سنينه=والهم جاني كل يوم بحال
الهم صب لي من دلال الغبينه=وانا شربتها ياخوك بنفجال
الزمن بحر(ن) وانا السفينه=والهواء يسيرني يمين وشمال
والزمن هذا زمن الرذيله=زمن ماتوقعته لو بالخيـال
زمن المال والخدع وكثرة الحيله=زمن لمن صك جال وجال

والقصيده الثـانيـه في سعود الفيصل :

سلام لك يا سعود ياوزير الخارجيـه=سلام لك كله امتنان وتحيـه
حاجتي ياخوك لك حاجه قويه=مثـل حاجة بوش لبلير خويـه
باكستان ياخوك علي مثـل الخطيه=ماني قاوي فرقا نجد العذيه
واطلبك ياسعود نقلي لسعوديـه=مالي ومال ارض(ن) رديـه
ربعي هنيـا مهب ربعي الاوليـه=بخل ونذاله وقلة حميـه
كثرة زيود وماليتها خضيريه=الحقني ياسعود قبل المنيـه

وسلامتكم

[محمد بن دليم]

صح لسانك يا مشعل

القصايد جميلة ومعبرة ، لكن الوزن خانك

تحتاج للمارسة والصبر يا مشعل وطالما انه لديك الرغبة أنا أوعدك انك سوف تكتب أجمل من هذه المحاولات