ابى اكتب من دمي الجوف شعرًا حبره الشريان

[ابوجراح]

ابى اكتب من دمي الجوف شعرًا حبـره الشريـانحقـيـقـه غـامـضـه عمـدانـهـا بالـقـلـب مـنـهـاره

زهمـت مـن المثايـل كـا محبوكـن علـى القيفـانهجوسـن تطـرب بزيـن القصيـد اسمـوع شـعـاره

ومديـت وفـرشـت الـهـا مــن الديـبـاج والكـتـانويزهاهـا مــن السـنـدس حـريـر بصـنـع بيـطـاره

وتيجـان الملـوك بقبضـتـي مــع خـاتـم اسليـمـانوسلمـتـه هنـوفـن مـــن مـهــاة الـريــم ذيـــاره

هنـوفـن يــوم جتـنـي والسـعـد مــن كفـهـا ودانتربـع فـوق عـرش القلـب فـي ليلـه مـع انـهـاره

هنوف الحـي قامـت تجـدل مـن المـي بالقدحـانوتسقـي زرعهـا اللـي كـل مـالـه تـذبـل ازهــاره

دعتـنـي يمـهـا وقـالـت كـلامـن يـذهـل الاذهـــانكلامـن معجـزن يصـفـق يمـيـن الفـكـر بيـسـاره

غـدى فـكـري بـجـو الهايـمـه و وهومـهـا حـيـرانقريـبـن مــن مـنـازل فالنـيـا وبـعـيـد عـــن داره

نجومـن ساطعـه غابـت عقـب نـورن علانـا بــانعلـى المشـرق بـدا والغـرب قالـو شافـو انــواره

وهبـت لـه نسـايـم تـدفـي يالـلـي بايـتـن بــردانتقفـتـهـا عـجـاجـن مـااتـركـت طـايــر وطـيــاره

وذراع ٍ مااسرقت قصت بعـدل ومنتهـى البرهـانويمنًـاسـارقـه فـــي ذمـــة الـتــوراه واحــبــاره

سمعت الصوت من ضرب الحوافر قاسي التربانورى هـاك السـواد اللـي حـوى الكونيـن بأستـاره

وقـفـت ابابـهـا لـيـن الخـيـول اتغـيـر بالفـرسـانكـمــاة مدججـيـنـن لـلـوغــا مـاهـابــو اغــمــاره

وصاحـت فالرجـال اللـي حورهـا يذبـح الشجعـانبـنـي عـمـي وسـتـري بيتـكـم لاينـفـضـح عـــاره

وشــام العينـهـا حــرن تـعـزوى بـعـزوة الـجـدانثـنـى مــن دون ربـعـه صيرمـيـن شــد مـيــزاره

بسيفـن يفصـل الارقـاب فـي حـده عـن الابــدانيصاوعهـم علـى سـرج وقـدم ماقصـرت اشبـاره

عثـى فيهـم وشافـو شيخهـم فـي رحمتـه منهـانوهـجـو ناكفيـنـن مااربـحـو فــودن مــن الـغــاره

بقى منهن عقب ماروحـن مهـره وابوهـا احصـانومــن غــار الـقـلايـع فـيـهـن الارمـــاح عـقــاره

وهـاذي جادلـن تبكـي علـى زوج وولــد واخــوانتعشتـهـم ذيـابـن فــي لـحــوم الـصـيـد جـــزاره

كريمـن جـاد مـن يمنـاه جــودن يـكـرم العـربـانقلط في مجلسه قومن لفـو مـن ضمـن خطـاره

وقـام الهـم وقـال الله يحـيـي سـاعـة الضيـفـانوقــام وقــرب الـلــي زاهـبــه وتـفــوح بـبـهـاره

وصب اللي كما صاف الذهـب فـي كفـة الميـزانمـــن الـدلــه بصـيـنـن يـثـنـي الـفـنـجـال لاداره

خـذو فنـجـال ثــم قـالـو تـمـام ولا بـهـا نقـصـانوحنـا فـي سفـر الوقـت يغصبنـا عـلـى اسـفـاره

نظـر بالـقـوم واليـاهـم غريبيـنـن عــن الاوطــاناجانيـبـاً عــن الـديـره ولاقــط جــو لـهـا ازيــاره

لقى بوجيههم ماضن طوي فـي صفحـة النسيـانلـقـى رسـمـن بعـصـر الجاهلـيـه دونــه اغـبــاره

يشوف ابهم شقى الدنيـا وضيـم الجاريـات الـوانعبادن في حضيـض العيـش وصلـو لاخـر اغـواره

وقالـو ياوسيـع العـرف حنـا فـي وســط مـيـدانولاجـيـنـا عـشــان الـــزاد والا عـنـدنـا اتــجــاره

وقـام اللـي تزعمهـم وشـد لسرجـهـا والارســانوقــال اسـمـع كـلامـن لايـقـص يـديـك منـشـاره

انـا بأنبيـك عـن قـومـن لـهـم فالغابـريـن اكـيـانغـدو فـي بطـن الام اللـي تشيـل الذنـب واوزاره

وجـانــا مـــن نـبـاهـم مـاذكــره الله بـالـقـورانعـن اخبـار القـرون وجيلهـا اللـي فنيـت اعمـاره

وقلـت اعـرف قومـن شالهـا جبـريـل بالجنـحـانوساواهـا بحـد الحـزم واعـرف مـن سكـن غــاره

وقال اتعرف موسى والغـلام اللـي مـن الغلمـانونـادى بالـغـدا واوقــف بحـيـد الصـخـره ابـحـاره

نسى حوت البحر موسى وقال انساني الشيطـانوواجــه يــوم عــود عـبـد فـيـه الحـلـم ووقــاره

وقلـت اعـرف هـاذي قصتـه تقـرى بكـل لـسـانوذاك الخضـر عبـدن علمـه ربــي مــن اســراره

وقال اكيـد جتـك اخبـار مـن ماتـو مـن الطوفـاننبـيـاً قــد عـصـاه ابـنـه وعـــدى قـمــة الـقــاره

وقومـن جادلـو والله ومرهـم قصـدهـم عصـيـانامـرهـم يذبـحـون مــن الـبـقـر مـاحــدد امـــاره

ومنهم مـن جحـد بالمصطفـى انـه ناسـخ الاديـانولايامـنـك فـــي ديـنــار كـيــف يـمــد قـنـطـاره

مشـى موسـى لميقاتـه وحـدرهـم مــن الاوثــانووصــى اخــوه لايغـويـه كـيـد ابلـيـس وانـصـاره

وقـام السـامـري وجــاب فتـنـه تفـتـن العمـيـانفتنهـم فـي جسـد عجلـن توحـى القـوم لـخـواره

وقــال إلاهـكــم والاه مـوســى نـاســن الـديــانوقــع بـالـشـرك والاشـــراك مايـمـحـاه كـفــاره

وقـلـت الـقـوم ذولا لاسـبـتـو تجـيـهـم الحـيـتـانوقـومــن فـــي كـتــاب الله ملـعـونـه وغـــداره

كـتـب ربــي يتيـهـون اربعـيـن ابـعـالـم التـيـهـانبنـي اسراييـل قـالـو نـحـن شـعـب الله مخـتـاره

وزادت بـي ظنـون الشـك وفـوادي علـى النيـرانوقـمـت اجــاذب الاريــا بــدار الـشـك وامـصـاره

وفي خافـي ضلوعـي ونـة اللـي بالعمـر حسـرانبغـدر لصاحبـن وافــي وجــارن بــاق بــه جــاره

وكلـمـت الغـريـب الـلـي يـجـر ثويـبـه الـهـمـدانوقـال ان دار نجمـن فاانشـد البيـدا عـن اخـبـاره

وقطعت البحر في مركب وهـم هايـم بـلا قطـانورسى بارضن ثمرهـا شـوك تينـن يبـس اشجـاره

وجاني من معـه مـن صنـع بابـل صاحبـن ماخـانمـرصـع بالـجـواهـر مـثــل در بـجــوف مـحــاره

وقـال انـت وش جابـك بـدارن زرعـهـا الاحــزانترى مـن طـب شبـرن غـاص حتـى سبـع ابحـاره

نشدتـه قلـت لـه يامسلـم انـت انسـان والا جـانوقـال الامـر واحـدن مسلـمـن بالـسـر واجـهـاره

وقال اوصيك فـي سبـع المثانـي والكريـم امعـانوكم كـم اشفـت اللـي فيـه اطبـا العلـم محتـاره

وحـق الوالديـن يـزود ضـعـف لـيـا غــدو شيـبـانوعقـوق الوالديـن تسبـب ادهـى الشـر واشــراره

وقال الكفـر دون الشـرك طغيانـن علـى طغيـانولافــاد العـجـوز الـلـي تحـنـى اعـــلاج عـطــاره

وصـد وقـال قـول الـزور واللـي يشهـده هلـكـانتـراه مـن الكبايـر يحـرق اللـي طــاح فــي نــاره

وقـال الله تــرى يبـغـض ثـلاثـه منـهـم الفـقـرانلبـس لـبـس الكـبـر واستاقـتـه رجـلـه بـدحـداره

وقال افطن من الاعور ومن سيلـن مـن الوديـانتراهـا تقنـص الـرجـال خــص ابسـاعـة اسـفـاره

وترى في تالي الهجره تشوف الديـن مالـه شـانحـبـل للمسلمـيـن الكـفـر وارداهـــم بشـنـكـاره

وقـال الاصـل فـي دم العروبـه ثابـت السيـسـانينـام الرجـل وامـن ماخشـى بعـده عــن اديــاره

وقـال الشمـس نجـمـن والقمركـوكـب بلانـيـرانيـدورن الكواكـب حـول جـرم النـجـم وامـسـاره

خلقنـا بالثـلاث المظلمـات اطـوار خـلـق انـسـانويكتـب رزق واجـل العبـد يـوم اتشكـل اطــواره

وهتـلـر لــو يـعـود مـعـه مليـونـن مــن الالـمـانماخلـى مـن طيـور الـروس طيـرًا داخـل اوكـاره

حدايـق بابـل السبـع العجـاب اسطـورة الازمــانسكنهـا السـومـري قــدام تنـهـد فـوقـه اســواره

بــلاد الرافـديـن الـلـي هـواهـا ينـعـش الـوجــدانوكـم شاعـر تغنـى فــي بــلاد الـعـرب بأشـعـاره

علاهـا ياولـد صـقـر اربـعـن غـيـر العـشـر ثـمـانمداها لا انتصـف تحسـب مابيـن الثمـن واعشـاره

مثـل مابـات اهلهـا بـت فـي هـم وكـدر واشجـانتخاشـر قلبـي المكسـور فـي شـره وفـي خــاره

يلايـمـنـي ببـنـتـن خـدهــا مـثــل الـقـمـر لابـــانشـعـاع اخـدودهــا بالـلـيـل كـنــه نـــور سـيــاره

اجــي لعيونـهـا عـانـي لـونــي دايـخــن صـلـفـانوالاعـبـهـا لـيــا نـامــو بـتــال الـلـيـل ســمــاره

تماشينـي علـى كيفـي وامـاشـي كيفـهـا بأحـيـانوكـل مـنـا لـقـى لــه صاحـبـن يـفـرح بمسـيـاره

تذكـرنـي بمسـرانـا وحـنــا مـــن ورى رضـــوانوقـلـت القـلـب بـيـن يـديـك مكـيـالـه ومـعـيـاره

وحـنـا نـطـوي الـخـط السـريـع بـــوارد الـيـابـانكـويـت امبيـرهـا لان انـسـدح ماهـسـت الـطـاره

لمح للعين برقن فـي سمـا اوهـام نشـت بأمـزانوهـلـت غـيـث سـيـل مجـمـع النهـريـن وانـهــاره

وابى اسوق له زودن مثل سوق مهوّس اشعيطانتسوقـه زعـب مـع تسعيـن خيلـن تهـذب امهـاره

وبكيتـه مـثـل مايبـكـي اليتـامـى ثـمـرة الفتـيـاننخـن ذيــاب بــن غـانـم بجفـنـن تسـبـل اعـبـاره

يتيمـة حـب فـي قلبـن يتيـمـن ضمـهـا بأحـضـاننعاهـا بالـدمـوع ومــن كـسـورن مالـهـا اجـبـاره

هـوىً ماهوهـوى غــرو غنـوجـن نـاعـم الـذرعـانهـوى اللـي يمـزج بكـاس الغـلا حالـيـه وامــراره

علـى كتفـي مشيـت اشيلهـا فـي خايـع الخلـيـانابــى احلـلـك واعيـونـي لـدمــع الـحــزن نـثــاره

حفـرت ابسبّـع الارض وكفنـت وداعـتـي باكـفـانلـحــد مـسـنـك انـــا حـافــره بيـديـنـي وقـبــاره

وانا قلبي علـى لامـاك مـن وجـد الهـوى شفقـانيعالـج حزنـه اللـي مـا كفـت مـن دونــه اعــذاره

بحزنـن مثـل شالـح يـوم يبكـي ذيـب ابـن هـدلانرحــى مــوت البـنـادم مــع رحــى الايــام دواره

ومثل دمعن على وضحـى يهلـه نمـر ابـن عـدوانوسجـل بالرثـا فــي صفـحـة التـاريـخ واسـطـاره

مثـل غبـن الزناتـي يـوم طــاع امــورد الاوجــانتقـول الـه الصفيـرى فـك قـيـد العـبـد واهـجـاره

عقب طاح ابفراش الموت غاشيـه احمـر الدمـانلـعـن كـيـد النـسـا والـلـي يشـاورهـن فـأشـواره

ومثل وقع الخبر في قلب ابو ليلـى وهـو سكـرانوعى من سكرتـه والقلـب شـب الجمـر بأوجـاره

يقـول ان السمـا طاحـت وهـدت شامـخ البنـيـانوعلى بابـه رسـول المـوت جايـن يقطـف اثمـاره

تقـول الـه اليمامـه ويـن ابويـه مكـعـم الـعـدوانب(كار)اميـه مـن الفرسـان يعـزل باللـقـا كــاره

ياعـمـاه اليمـامـه عانـهـا تـبـكـي مـــع اليـتـمـانمدامـعـهـا تـحـالـي مدلـهـمـن هـلــت امــطــاره

يبـات الزيـر ليلـه عنـد قبـرن مـن حصـى والبـانيقول اللـي بقـى لـي مـن كليـب القبـر واحجـاره

بكـى حتـى انفجـر صـدره بغيظـن كنـه البـركـانوسـرج خيلـه وســل السـيـوف وصــاح بالـغـاره

وحلف له ديـن يـوم انـه تعلـى سـرج ابـو حجـلانليذبـح مــن بـنـي مــره كـبـار الـقـوم واصـغـاره

وقـام ابـحـرب لاشيـفـت ولاسمـعـت بـهـا الاذاناخــذ عشـريـن عــام ومثلـهـا يـوفـي بـهـا ثــاره

ليـا امسانـا وحـل الليـل واظلـم والنجـم سهـرانتــرى هــذا نديـمـي لاســرى قـلـبـي بـمـشـواره

وانـا لوحمـل قلبـي مزريـن فــي شيـلـه ابليـهـانيشيـلـنـه معالـيـقـن لـثـقـل الـحـمــل صــبــاره

رفعـت ايمينـي البيضـا وصـارت للشـرف عنـوانوكفـي يعـرف اهـل الجـود واهـل البـذل مقـداره

يمنينـي هـوى نفسـي واضفـه فـي ذرى الكتمـانومن خوفي عليه البسـه ثـوب الصمـت واخمـاره

ياليت اللي ظمـي يلقـى قراحـن يـروي الظميـانوليـت الـوقـت مايلـعـب بـنـا ميـسـره واقـمـاره

ركـب مـن وارد السبعيـن هافـن قـال ذا مـافـانمـايــدري وارد الفـيـنـه وسـبـعـه داج بـالـحــاره

وصلـنـا علـمـكـم ياشايـلـيـن مـسـنـن الـعـيـدانعلـى المقفـيـن فالمجـلـس اهــل نـمـه وعـيـاره

ولوقـالـو بعقـلـك خلـتـن قـلـت العـقـل مـيــزانانــا مـانـي بمجـنـونـن تـقـطـع جـلــده اظـفــاره

ولانـي عـبـد مملـوكـن ولاراعــن مــن الرعـيـانانـا حـرن عطيـب ضـروب يثـلـج صــدر صـقـاره

وانـا بانصحـك يافرعـون لاتنـصـب عـلـى هـامـانشريكـن لـك بألاعيبـك لكـن انصـب عـلـى غــاره

وطيت بعرش رجلـي روس افاعيهـا مـع الديبـانعـلـى ملعونـتـن خـاطـت بنـسـج الـغـدر مـكـاره

وترى ماتضمرونه مـا اخلـص الدايـن مـن الديـانسفينة نوح سـارت وسـط مـوج البحـر واخطـاره

وانا ماامدحك يانفسـن خلـق الله بمن(بماء)مهـانولكـن عـز ذاتـك هــو وســام القـلـب واشـعـاره

وصلاة الله علـى محمـد عـدد ماسـارت الركبـانعلـى دعـوى الخليـل بحـج بـيـت الله ومــن زاره

وسلامتكم
نوح بن صقر العتيبي

[أبو نجر النفيعي]

..
لي عوووووده..
.

التوقيع

.....

[السميــــــري]

..

اخوي نووووووح ..
قصيده تذهل القارئ..
كل بيت فيهاا عن قصيده كاملة ..
معنى وجزاله وفكرٍ نيّر ..وشاعر متكمن صاغ المعنى والافكار على اجمل صياغة ..
ومع ذالك عاارفه من اهل العرف ..
..

صح لسااانك ياشاعر الهيلا ..
وكل الثناء لايعطيهاا حقهاا ..
..
دمت للهيلا
يابو جراح ..

تقبل تحياتي ..

وتستحق التثبيت ..

[العارف]

أبو جراح


صــــــــــــــــــــــح لســــــــــــــــــــانك



قصيــــــــــــــــــــــــــــــــــــدة رائــــــــــــــــعة


ولك كل التقدير

[ابن نميان]

ابو جراح صح لسانك ولاهنت يالقرم


قصيدة جزلة

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[أبو نجر النفيعي]

.. ..

نوح بن صقر العتيبي

اسم ساطع في منتدى قبيلة عتيبه الهيلا..

قمّة الابداع..قمّة الجزاله..قوّة المفردات الطلقه..

ابداع في ابداع .. بحر في بحر..

قصيدة جزله ورائعه .وتجبر القارئ على تكرارها مرةٍ ومرارً

فـ صح السانك يا نوح على هالجزله والفريده من نوعها ..

وننتظر جديدك بشغف ...!!

..

موووووودتي..

[الــوآفــي]

ابو صقر


صح لسااااااااااااااااااااااااااااااااااانك مليون في مليون




جزله جزله جزله



قريتها وساعيد قرائتها


لك كل الود يالذيب


اخوك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[متابع الهيلا]

جزل وصح لسااانك يالقرم.

[مرزوق حمدان العتيبي]

...
.

كل الجزاله انت يابو جراح

صح لسانك الى ماله نهايه
....

التوقيع

فدوة ٍ للمصطفى روحـي وماتملـك يمينـيكيف (لا) واللي خلقني حط حبه في كياني حـط حبـه فـي كيانـي ماتغيّـره السنيـنـيوانثني من دون عرضه بالذراع وباللسانـي @Marzouq_MHD

[ابوجراح]

صح ابدانكم يالربع.... واشكركم جميعٍا على هالمشاركات والردووووود التي هي اكثر من رايعه

واخص /ابو نجر /السميري/ ذيبان/ على مابدا منهم اعجابن بالقصيده

والهيلا وشعارها وكتابها يبشروووون بكل جزلن من القصيد