يا عتيبه الهيلا. . .

[الوليد العتيبي]

]بسم الله الرحمن الرحيم وبه نستعين والصلاة والسلام على سيد الاولين والاخرين 0السلام عليكم ورحمة الله وبركاته 0
اخي القارئ الكريم 0كثر الحديث عن شعر المحاوره وعن فرسان ميدانه وعن ما تم تقديمه للساحه الشعريه في
السابق واللاحق وحول الوصول الى قمة ساحة المحاوره وما هو الاسلوب او الطريق الصحيح اللذي يسلكه شاعر
المحاوره لكي يصل الى تلك القمة العالية وهل الشاعر يخدم الشعر ام الشعر يخدمه وغير ذلك من دهاليز هذه
الغابة المظلمه احببت ان ادلي بوجهة نظري فان وفقت فمن الله وان اخطأت فمن نفسي ومن الشيطان اللعين 0

المحاوره في اللغه /الحوار او النقاش
وفي الاصطلاح /هي مواجهه بين شاعرين وتحاورهما حول موضوع معين وفي اطار محدد بالوزن
والقافيه مستخدما اسلوب الفتل للشاعر الاول واسلوب النقض للشاعر الثاني في حدود معينه 0
اخي القارئ /هناك نماذج من الشعراء اللذين خدموا هذا الفن الاصيل وكان هدفهم هو الحفاظ على هذا التراث
فاوفوه حقه من حيث جزالة اللفظ وجزالة المعنى والرقي به وعدم الاسفاف والنزول به الى الحضيض من الكلام ويعتبر لهم فضل كبير بعد اللهعلى الشعر وعلى الشعراء الشباب اللذين يسيرون على نفس المسار والتوجه وحتى لانغالط انفسنا
هناك شعراء شباب انحرفوا عن هذا المسار الجميل فأ سأوا لشعر المحاوره وعبثوا به ولم يقدروه حق قدره وانا هنا
لا اوجه اصابع الاتهام لشخص بعينه فقد اكون انا احدهم كشاعر محاوره من هذا الجيل ولا ابرّي نفسي فالكمال لله
ولكن اذا كان هدفك وتوجهك كشاعر محاورههو صقل موهبتك والرقي بالشعر فسوف يكون ذلك واضح للعيان من
خلال ما تقدمه في الميدان والناقد والمتابع والشعراء هم الحكم والفيصل فيما يسمعونه من ابياتك الشعريه 0
اخي القارئ الكريم /هناك نماذج سوف اقدمها لك من شعراء بارزين برزوا بسبب قوتهم الشعريه ودهائهم ولاهتماهم
بالشعر والارتقاء به فارتقى بهم الى القمة التي يطمح لها كل شاعر محاوره فجزاهم الله عنا خير الجزاء 0

الشاعر الكبير عبد الله المسعودي
نهاية شهر ذي الحجه بداية يوم من عاشور =هلا يا مرحبا والمملكه باحلا لياليها
انا واقف ولا فكرت في مطلق ولا مستور =معلقها على قمة جبل وتهز رجليها

الشاعر الكبير الجبرتي
مرحبا في حلة اللي مكرمين لحاها= ردة تقصر عن اللي لحيته محلوقه
كدها بالموس والصابون لين احفاها=لين صارت مثل ركبة عمتي مرزوقه

الشاعر الكبير احمد الناصر
شفت لي عالم ثاني وشي غريب=لو اعلم به الاجناب قالو كذوب
عودهم ما يموت وورعهم ما يشيب=فاتحين العيون وميتين القلوب

الشاعر الكبير صياف الحربي
الثبيتي كلما شاف البحر يومي براسه= والبحر لاشاف مطلق فالجبل ما يلتفت له
يحسب اني شجرة خضرا يقطعها بفاسه =-ما درا اني من محافيله عسى ربي يحفله

الشاعر الكبير مطلق الثبيتي
يالعصيمي معاشك من بنوك اليمامه = والا انا من بنوك الله يجيني معاشي
جبت ستين شيخ وكل شيخ بعلامه=جعلهم عند نو بارقه فالمناشي

الشاعر الكبير مستور العصيمي
انت رزقك تجيبه من جحلط تهامه= مزنة من مطرها ما لحقنا رشاشي
يالثبيتي تجود في طريق السلامه =لنت قاطع نصيب ولنت خادم بلاشي

الشاعر الكبير سلطان الهاجري
يابن الزلامي هنا ما عاد يحتاج =اختار في بطنها والا ظهرها
اللكزس اللي على طبلونها عاج =-لاوصلتني ولا بنشر كفرها

الشاعر الكبير فيصل الرياحي
وش المانع لو يزحف حضن ويصبح النير=قبل يوم القيامه وتحريك الجبالي
اعيش بديرة ما عصرت فيها المعاصير=ولا مجلس بخيل يقهوي بالشمالي

الشاعر الكبير عبدالله ابن شايق
سلام الله سلام لو رميته فالبحر ما غاص =سلام لو وضعته تحت حر الشمس ما ماعي
انا احب الغلا واهل الغلا والا الرخاص رخاص=على سوق الغلا لاهل الغلا شاري وبياعي

الشاعر الكبير رشيد الزلامي
الليله الشاعر الحربي علي الحرام =لااذكره سالفه ما هو بمنها بري
في ديرتي مرني ما قال حتى سلام=واليوم تشر يمينه كنه العسكري

الشاعر الكبيرمصلح الحارثي
يا سلام الله سلام يفيد المستفيد=عد ما ينبت شجرها وهل هلالها
يضحك حجاجي ليا شفت لي وجه جديد=لو مغير اضحك على غترته وعقالها

الشاعر الكبير حبيب العزمي
الليله البرق شامي /واسمع دنين الرعد فيه
واليا اصبح الارض ممطور/يستر قلبي وعيني
صياف في كل عامي /ينوي بقتلي وانا انويه
لكن مطلق ومستور/حالوا ما بينه وبيني

الشاعر الكبير محمد ابن مشيط المري
ودي العب وانشد القرقاح عن قصة حياته=عقب راح من الديار اللي لحم كتفيه منها
الحقيقه ما خبرنا واحد سوا سواته= فالجزيره كلها من شامها حتى يمنها
الشاعر الكبير عبدالله العير
ترجع الدنيا وقدر الشراكه ما يجود=لو يجود القدر ما صاحوا الورعانيه

الشاعر الكبير فلاح القرقاح
سلامي سلام يتوق له كل مطنوخ=بيوت الشرف والعز يبني عمدها
يا صياف انا فالبحر لا اغرق ولا ادوخ=اوقف لبوها واتحدى ولدها

اخي القارئ الكريم/هكذا يرقى الشاعر الى القمه عندما يسمو بتفكيره وشعره فهو يخدم الشعر ويخدم نفسه
وهكذا يجب ان نسير نحن الشعراء الشباب على نهج من سبقونا من الفطاحلة الاوفياء فما دام التفكير النظيف
موجود فالشعر القوي المؤثر موجود 0 اما اذا كان هدف الشاعر هو البحث فقط عن اللحن الجيد فلن يتعدى
مستوى تفكيره حتى وان كثرت حوله الاقاويل والتطبيل من اقلام الفزعات فالحق ابلج والباطل لجلج

كل شاعر اوردت له ابيات اولم اوردله ابات من الشعراء اللذين وضعوا لنا حجر الاساس المتين يستحقون اوسمة
الشرف والتكريم والتقدير والعرفان وهم من خدم ميدان المحاوره للامانه والحق يقال والله ولي التوفيق


سبحان الله العظيم عدد خلقه وزنة عرشه ورضا نفسه ومداد كلماته



اخوكم :ابو خالد

[شاعر روق]

كلام جميل يابو خالد


وجهدك الواضح والملموس تشكر عليه


تقديري

[الوليد العتيبي]

شاعر روق
مشكور على المرور

وماسوينا شي ياغالي

[فهيد مقعد الرويس]

كلام قيم يالوليد الله يعطيك العافيه
على النقل
ومن شخص غني عن التعريف

تحياتــــــــــــــــــــي

[الوليد العتيبي]

المبتدى

مشكور على المرور


ياغالي

اما الشخص الغني عن التعريف

الوليد خالد العتيبي

[مقعد الدغيلبي]

بيض الله وجهك يالوليد
وفيت وكفيت ومجهود رائع
تشكــــــــــــــــــــــر عليه
تحيااااااااااتي يالغالي

[الوليد العتيبي]

مقعد ووجهك ابيض

مشكور على المرور

ياغالي تحياتي

[بن الهيلا]

اخوي مشكور على نقلك الرائع

لاكن ابيات الشاعر عبداله المسعودي يوجد فيها تغيير في البيت الثاني

انت قلت
نهاية شهر ذي الحجه بداية يوم من عاشور =هلا يا مرحبا والمملكه باحلا لياليها
انا واقف ولا فكرت في مطلق ولا مستور =معلقها على قمة جبل وتهز رجليها

والصحيح هو

انا ماهمني ذا الليل لامطلق ولا مستور=مرقيها على قمة جبل وتهز رجليها

[الوليد العتيبي]

بن الهيلا

مشكور يا صاحبي على المرور

واما اخطا انا معاد اقدر اسوي شي

ارجاء من المشرفين التغير البيت من

قبلهم

تحياتي

[مفراص ماص]

الاخ الوليد وجهة نظرك قيمه وسلوب رائع لافض فوك

دمت بحفظ الله ورعايته أين ماكنت


وتقبل تحياتي