الموضه

[علي الثبيتي]

السلام عليكم ورحمة الله وبركاته
ومساكم الله بالخير جميع

استلمو هذه البويتات التي تعبر عن مافيها
حصلتلي اثنين من الاخوان عند الحلاق واحد يحلق الدقن واحد يحلق الشنب
سآلت الحلاق قلت ليش الغليم مايحلق شنبه مثل المطوع قال هذه موضه الشباب واله محلق من حول اذانيه ومخلي خطيط صغيرعلى خده تقول رسمه قلت هذي موضه قال الحلاق ياخي حلق شعرك وفارقني طيرت الزباين المهم مالكم ومال طوال العلوم رجعت للبيت وكتبت هذه البويتات

اللي يقلد معجزه واللي على سلم الجدود= ومن لايفكر ويتفكرفي الزمن يبلابها
يامقلد الموضه تراها من تصانيف اليهود= والسنه اطلق لحيتك هيبه وحف اشنابها
واقبض على دينك وميزفي الصوادروالورود= وان كبرت الفتنه تجنبها وقفل بابها
اذكر لياحطوك مابين النصايب واللحود= واللي يعزك لن حضر فوقك يهل اترابها
واقفوا وراحوا ثم صار العلم في نقصن وزود= في حزتن ماكل من يفطن يحسب احسابها
وجوك الثنين وكل واحد في يده لازم عمود= وسالوك من ربك ومادينك وعلمنابها
ومنهو نبيك وانت عجل بالجابه والردود= وان كان مااتقنت الاجابه نلة اشد اعقابها
هذا حسابك في القبر ويوم القيامه لك نعود= يوم الفزع والمرضعه تذهل من اللي صابها

وسلامتكم

آخر تعديل علي الثبيتي يوم 29-Jun-2007 في 04:48 AM.