يالحارثي وشفيك تشكي وتفتر,,أهمومك.....

[حسن شامي الجعيد]

السلام عليكم ورحمة الله

كيف حالكم عساكم بخير يالربع

هذا قصيدة جديده كتبتها بالعسكريه <<< باقي بالدوره الله يعين

المهم فيه واحد اسمه بندر الحارثي كتب قصيده يشتكي من العسكريه

ومن أحوالها وانا ماني حفظ غير مطلع القصيده وبكتب لكم والباقي انشاء

الله اجيبه لكم الأسبووع الجــاي


يقول الحـارثي

أشكيك يا وقتن حداني على المر=وأمر وقتن مر بالعسكريه
تلقى وجيهن كلها شر في شر= حتي الخوي منهم يضيع خويه
يا حظ منه ما عرف للوراء در= ولا عرف بالحصه الداخليه

ورد عليه وهذا ردي

يالحارثي وش فيك تشكي وتفتر=أهمومك أزدادت وجارت عليه!!
تشكي من الطلاب والوجه مصفر=وتقول ضاقت بك ولاشفت فيه
ألا الشباب بكل.. فكرك تخير=أتحصل الاصناف زينه.. وسيه
تلقى الخبل نايم وبالليل يشخر=وفي داخل الميدان ينسى التحيه
وتحصل الطيب وبالخير تيشر=أن كان رفقته على حسن نيه
ماجايلك حجزاً ولاكتب محضر=وليا طلعت تحصل الشاذليه
وتشكي من الأفراد والقلب منحر=وتقول جابوا لك ضغوطاً قويه
حتي الرقيب تقول ماعاد تنسر=لاشفت وجهه كأن جايك بليه
أحذر ترى ماجالك بدربكم ضر=واللي حصل لك عادةً عسكريه
أشوف تتحسف على وقت ألك مر=تبغى لك الراحه بصبح وعشيه
هذي علومه المرجله وأنت أبن حر=وربعك لهم تاريخ بالـجـاهليــه
لاتعكس المله وترجع وتنحر=وتعيش بالدنيا حياة الزريه
خلك بوجه القوم.. دايم تنحر=وخلك على العليا وراعي الوفيه
هذا الزمان الشين لأبد نصبر=على عيال الناقصه والدنـيـه
ولا بد ما تجلس ولرب تشكر=غيرك تعب ما حصل أله المطيه

وسلامتــكم


حسن شامي الجعيد