ردي على عبدالله العصيمي

[الشمالي الغربي]

الأخوة الأعزاء هذه قصيده للشاعر عبدالله العصيمي

[

ليا من صدري كتم في داخلـه ونـه=بديت نظم العقـود وصغـت قيفانـي
ترجمت هجسي بنظـمٍ عـارف فنـه=لعلي القى مـع الطـاروق سلوانـي
اناجـي الهـم وافكـاري يصوغنـه=بيات شعـرٍ تشـوق كـل طربانـي
اشكي واعبر عن الهاجس وما ضنـه=من جوف قلب شكا الهجران واضناني
قلبٍ بساعـه همـوم الكـون زارنـه=ومادق في داخله يفصح بـه لسانـي
انخى هل العرف واهل الطيب والعنه=ربع على الجود ترجح كـل ميزانـي
نخوة صويب سهوم الوقـت صابنـه=تكفون يا اهل المعاني جيتكـم عانـي
ابـي نصيحـه لقلـبٍ داخلـه حنـه=والا مواساه تشفي بعـض وجدانـي
لي صاحب عاشقه ما اجوز انا عنـه=ولا سلا بدونه ولا ارضى واحد ثاني
كـل العـذارى بعينـي مايسـاونـه=ومن طب بحر الهوا يدري بما جانـي
اعطيته القلب والهاجـس بـلا منـه=واعطيته اللـي بغـاه ودم شريانـي
ولاني من اللـي دموعـه يستبيحنـه=الا فـراق الحبيـب غصـب بكانـي
واستغفر الله صلاة الفـرض والسنـه=جاني لطيف الحشـا فيهـا وسهانـي
الليـل عنـدي همـوم القلـب مدنـه=حاربت فيه المنـام وزادت احزانـي
لوكان جفني غفا ما ارتحت انا منـه=جاني مع الحلم هاجوسـه وصحانـي
من بعد هذا جفاني مـا عـرف ظنـه=مدري ظروفه قسـت والا تناسانـي
وامسيت اجاذب وانا في داخلي ونـه=واصبحت داين وسيد البيـض ديانـي

وهذا ردي على عبدالله العصيمي

هم(ن) بصدري سنين احاول اكنه=لكن عقب العصيمي حرك اشجاني
صدري يناج(ى) الهموم اللي يناجنه=توافق الحان عبدالله مع الحاني
عذب القوافي ولدعاصم سبكهنه=وانا من اللي يعاني قبله اعاني
الله يقويك ويعوضك بالجنه=والصبر راعيه موعود(ن) بالأحساني
تشكي همومك وانا همومي كماهنه=متوارثين القضيه ورثة اخواني
قلبي سهوم الهوى دايم يصوعنه=ودرب الهوى يالعصيمي صلف واعماني
درست الأظهار والأدغام بالغنه=وضيعتها عقب شيب عويرضي باني
سبايب الي على كرهه يحدنه=كم قاسي(ن)من سبايب جورهن لاني
ياجر قلب(ن) تولنه وجرنه=يذيع ذكره مابين فلان وفلاني
اليا شراهن صدوق القلب باعنه=شرى بغالي وبيع ببخس الأثماني
ياكم نصيح(ن) على نيه وغشنه=في وقتنا اليوم من يعطيك الآماني
ياخوك ياحمس قلبي حمسة البنه=قريت خطك يابن عاصم وعناني
ابشر وانا اخوك مطلوبك ولو انه=كايد علينا يهون ونقضي الشاني
اليا احتزمنا صملنا مابنا لنه=ناقف بميقاف يخزي كل شيطاني
ونسوي اللي لك الله مايسونه=عد الرجا جم يروي كل ضمياني
لابد من عنه قفن يوم ويجنه=تدور الايام ويدورن الأزماني
واللي خذنه لزوم يجن يعطنه=لو صار ماصار والا كان ماكاني
ومن زعلن يالعصيمي غصب يرضنه=اسمع كلامي وقل قال العضياني