يا هل العقول فكرو زين

[اعتيبي وافتخر]

يأهـل العقول المصبره فكروا زين * * ** تفكروا فالكون والمعجزاتي

تبين لك اسرارها بالبراهين **** اسرارها لآهل المعرفه بيناتي

فيها تشوف اعجاز بمجرد العين ** ** بسهولها وجبالها الراسياتي

وسبع رفعهنه بليا عمادين **** وارض تعيش بسطحها الكايناتي

وانهاروشجار وغرس وبساتين **** تثمر فواكه من جميع الصفاتي

ونخل عذوقه يانعاتن كما التين**** ويامــاوياما من نعيم الحياتي

لو جيت اعدد بالقلم غير محصين **** الفكر يعجز والقلم والدواتي

ما ينحصي فضله على اللي مقلين **** وشلون باللي يملكون المياتي

اموال بالبليون فوق الملايين **** حياتهم بالقوت مساوياتي

والفرق يبرز حين ما حطو الطين **** على خلول القبر بعد المماتي

اما نجاء في يوم نصب الموازين *** ورجحت موازينه بصوم وصلاتي

وأعمال بر مسجلات بدواوين *** كبيرها وصغيرها متساوياتي

وهذا سعيد الحظ يافاله الزين *** يحيا حياة ما بعدها مماتي

وبالآخره مافيه ياكود دارين **** جنه ونار كلهن جاهزاتي

جنات تملا بالعباد المطيعين **** والنار تملآ بالقلوب العاصياتي
الشا عر/ حمود بندر الغبيوي العتيبي