الحبيل العتيبي يتغنى في Vxr

[mtmo]

راكب اللي لامشا الخط الطويل = لو مشآ يوميين ماجاب الملل
اسمحولي باصفه وصف(ن)قليل = عقب وصفي ياعسآدربه سهل
أقصد الفكسار ماغيره بديل = نعنبو من صممه لين اكتمل
امدحه وان مامدحت اخر موديل = ويش ابمدح موتر(ن)غيره اجل
وارد اليابان ماجاله مثيل =اقطم بالسوق مامثله نزل
ابيض (ن)لونه مثل زبدة صميل = وارثمن خشمه مثل خشم الفحل
لون زيقه لمعت السيف الصقيل = لمع برق(ن)في خيال(ن)منهمل
والعلامه لاسري مثنات ليل = في جبينه كنها كوكب زحل
ويتهزع مثل نقاض الجديل = ومنوته مثنات خط(ن)لانسحل
ويتنهض لبرمه بالقاع ويل = وان بغيته يعتلي راس الجبل
كن تشيله عن عزاز الارض شيل = وفيه من قدام دفرنس الدبل
ماورد مثله مواتر مستحيل = ان رضا راعي السفاري وان زعل
الجيوب اوصافها بالراس خيل = من خويه جيب ماجاه الزمل
افترد عبداللطيف الهن وكيل = وعامل اليابان وانصح بالعمل
فوقه اللي لامشي الغدراء دليل = ويتحمل لشقاء مثل الجمل
في لزومي عن طريقه مايميل = ولانخيته ماتمشا بالمهل
حوله مع حافت الضلع المهيل = لين عنه أطويق قدام انعزل
ماسمحله ياعسي جاله يسيل = لوسمحله قيد سواقه وصل
ولاتساوي مر ومرات(ن)يعيل = ولاتعداء من وراء شقراء انعدل
ثم تنهض مابقاء لوكان ميل = داخل الطبلون والخط انحل
وشد حيله مابقاء بالحال حيل = لين ضاق الكون جاء كبر الدحل
والهوي عن رفرفه جاله شخيل = راسي(ن)ومرسيه كبر العجل
المراكز ماتعرضله سبيل = خابرينه عن هدفهم مستقل

[((الدلبحي))]

يعطيك العافيه

ماقصرت وتسلم يمناك لاكن بودي لو انك اكملت القصيده

صح السانك والسان الحبيل

تحيااااااااااااااااااااتي

[فيصل المسعودي]

تشكر يالغالي


على النقل الجميل والموفق


للشاعر مرير الحبيل


لك تحياتي

[{{ الـــــمــــرشـــدي }}]

صح السانك ولسان الحبيل
و
مــــــشــــكــــــور


ولك تحياتي....

[mtmo]

الدلبحي
المسعودي
المرشدي
شكرا على المرور
القصيدة لا أحفظ منها الا هذا ...

[مرزوق حمدان العتيبي]

...
.
الله لايهينك على حسن اختيارك...
وصح لسانك الشعر الراقي
مرير الحبيل....
كل الود..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابـن نـعـيـس]

صح لسانك ولسانك الشاعر


يعطيك العافيه


تحياااااااااتي

التوقيع