ياحضرة الشعـــــــــــــــــــــــــــار.....

[فراج القرقاح]

ياحضرة الشعار..جاكم سلامي..ياحضرة الشعار=واللعب معكم زان..والليل ساري..واللعب معكم زان
نبغي لنا مشوار..واللعب حامي..نبغي لنا مشوار=والهرج بالبرهان..والليل ساري..والهرج بالبرهان

[المسرّي]

بدايه رائعه وقاف رائع


ووالله لو ماني مشغول هاليوين

لاالعب معك يالداهيه ويشرفني والله

[فراج القرقاح]

يامرحبا يالمسري...والله يحيك...والشرف لي طال عمرك...

والايام جايه...ولاهنت على المرور

[محمد العتيبي]

يامرحبابك يالداهيه ولي الشرف باللعب

معك ...... وللمرة الاولى .... دقايق ويجيك الرد انشالله .

[محمد العتيبي]

الله الله الله

يامرحبا وان صار ... فيها ملامي ... يامرحبا وان صار

... حنا ربع واخوان ... والليل ساري ... حنا ربع واخوان .

حدد لنا معيار ... والعرف سامي .... حدد لنا معيار

... واظبط لك النيشان .... والليل ساري ... واظبط لك النيشان .

[فراج القرقاح]

يامرحبا ومسهلا والشرف لي طال عمرك...

دام البقى يالجار..ذرب الكلامي..دام البقى يالجار=في منتدى العتبان..والليل ساري..في منتدى العتبان
ذيك السنه فالغار..جتك السهامي..ذيك السنه فالغار=شفت العذاب الوان..والليل ساري..شفت العذاب الوان

[محمد العتيبي]

استلم استلم


يالله ياغفار .. ضربه حرامي .. يالله ياغفار ..

... الاجودي غلطان ... والليل ساري .. الاجودي غلطان .

وانته بجوف الدار .. بين الانامي ... وانته بجوف الدار ..

مركبك فوق حصان ... والليل ساري ... مركبك فوق حصان .

[فراج القرقاح]

يالله طيره....

سبحانه السّتار..جبت الهدامي..سبحانه السّتار=ياطير بن برمان..والليل ساري..ياطير بن برمان
تراك جبت العار..يابن الهوامي..تراك جبت العار=عساك قطع لسان..والليل ساري..عساك قطع لسان

[محمد العتيبي]

الله يعطيك العافيه يا اخ الداهيه

والصراحه ماودي اكمل المحاوره بهذا الاسلوب لان مثل هذا اللعب

حق ناس مالها مستوى ابدا واعتذر منك مره اخرى يالغالي

وانشالله في الايام الجايه نلعب ونغني على مستوى احسن انشالله ولك مني اجمل

وارق التحيات : اخوك : ابو مشعاب .



كلمة بدون عيار ... فيها ملامي ... كلمه بدون عيار .

.. عيب وبها نقصان ... والليل ساري ... عيب وبها نقصان .

[فراج القرقاح]

حياك الله يابومشعاب