جديد حبيب العازمي ومحمد السناني .. قويه جدا ..!!

[فيصل بن فهد الجهني]

محاوره صارت قبل شهر تقريبا ..!!

قويه جدا .. وبها استفزاز .. من الطرفين ..!!

حبيب العازمي
اثر السناني يجيه الرزق مثل الطيور .. ما غير يمشي على فاله ويفتح فمه
لكن هذا السنه يمكن زمانه يدور .. والحد داخل يده و الجمر تحت قدمه

محمد السناني
الرزق يامر به الله كون عبدن شكور .. العازمي يا عتيبه ويش محرق دمه
لأجل ايش تبدي علامات الفرح والسرور .. تمسي على مظلمه تصبح على مظلمه

حبيب العازمي
الله يزيدك شعر والله يزيدك شعور .. يا شاعرن ضيقته ما غير في برطمه
يا كثر حزنك وحزن محفرين القبور .. صعبن تفهم عرب والعلم ما تفهمه

محمد السناني
يوم استمع كلمتك فالشعر ماني فخور ... عندك تساوى وجود الادمي و اعدمه
يا اصحابنا اللي عحزتم تعبرون الجسور .. ما عاد يا الربع فيها اسرار متكتمه

حبيب العازمي
يالله عليك الخلف في اخر بقايا الغرور ... دوك الشحم واللحم يا راعي الملحمه
انته على الجسر تمشي مير مشيك حدور ... اول جبل تطمره واخر جبل تصدمه

محمد السناني
يالله عليك الخلف بمخلفات الظهور .. من كثر الاعمام ضاعت هيبة العمعمه
نظرت لك تحت وابغى استخرجك في سطور .. حتى يقال السناني كاتبك بقلمه

حبيب العازمي
اللي وزوا فالزهاب عيال سبعة شهور ... حتى التمر ياكلونه فالصحن بعجمه
بيني وبينك تفاوت عند نقطة مرور ... والعازمي ما لزمك ولن لزمك إلزمه

محمد السناني
ان كان ما معك حيله فالزمان الدبور .. اللي بنيته رياء ومجاملات اهدمه
ما نتفق لين يجمعنا البعث والنشور .. ما يمكن نوخر التوقيت ونقدمه

حبيب العازمي
والله ما لي حسافه في كثير الامور .. تبقى الشجاعه لأهلها وانت منت رخمه
صحيح ما نتفق واللي يطيح معثور .. هذاه محكوم والثاني محد يحكمه

محمد السناني
في ساعة الموقف اللي منت منه معذور .. نبه على اهل الكراسي تربط الاحزمه
قدام برقا و روق يقسوم الجزور .. من قال منكم عسى الله يحسن الخاتمه


وهذا رابط المحاوره :