قصيده الشيخ /نايف بن ذعار بن وبصان العطاوي

[أبن نافه العطاوي]

قصيده الشيخ /نايف بن ذعار بن وبصان العطاوي
رثاء في أبوه رحمه الله





مرحوم ياللي كل ما مـر ذكـراه
هلّت من اقصاها عليه الدموعـي
أبوي موق العين لجله نثر مـاه
وبكيت لين بكاي صرم ظلوعـي
ويلاه مـن وقـتٍ بليـاه ويـلاه
ياليتني ما عشت يوم الربوعـي
وياليتني ميت معه موت والقـاه
وأسال عنه يوم الجنايز جموعي
وأقول من شاف ابلج الوجه حلياه
شيخٍ طبوعه من خيار الطبوعي
وجيته وبست رجوله الطهر ويداه
ثم قلت له يابوي ماني قطوعـي
تركتني ماني بخايف مـن عـداه
ولاني عن الطالات رجلٍ قنوعـي
يابوي عقبك جبت حالي اقصـاه
وسديت عقبك جوع بيتك وجوعي
وكم مجلسِ عمّـر ودارٍ بنينـاه
غصبٍ على الدنيا ولا هو بطوعي
وفتحت باب العز والمال والجـاه
وطلعت يوم الله فزع في طلوعي
لكن لو تدري عن الجرح ودمـاه
واللي بوسط القلب زاد الوجوعي
ولـدك والله مـا تهنـى بدنيـاه
ولا ذاق للدنيا طعم لو سبوعـي
فاقد عزيزٍ يضحك الكون بشفـاه
وهذي سبايب يا عزيزي رجوعي