تجاريب ،،

[عيد الجعيد]

بسم الله الرحمن الرحيم


أضع بين أيديكم هذه المتواضعه آمل أن ترتقي لذائقتكم الشعرية ،،

العمر ساعة و الليالي تجاريب=ركضت قدم ما بين ميلٍ و عدلي
يدري بها اللي مكتسي راسه الشيب=يوم الليالي تجدل الهم جدلي
و أنا من الدنيا لقيت التعاجيب=أيامها طول العمر تجتهد لي
يومٍ معي يشرق مع الشمس و يغيب=و يومٍ رحل عني و يومٍ قعد لي
ثلاثة أيام شكى همها الذيب=صارعتها و الصبر ما ينجحد لي
و سجيت معها بالقدم ما اعلم الغيب=و لا أدري عن اللي عندها ينوجد لي
ظنيت فيها صافيه بالمشاريب=و قلت الفرح في قربها و السعد لي
لا شك أثرها تخلف الظن و يخيب=و الظن فيها ما زرع لي حصد لي
و رجعت منها بالجروح المعاطيب=و صمدت للوقت الشديد و صمد لي
أنادي الماضي و لا جالي امجيب=يا وقتي اللي رحت و اقفيت عد لي
هذا زمانٍ عذب الحال تعذيب=يفتل لي احبال الشقا و يعقد لي
فيه الأوادم بين غلطان و مصيب=كلٍ بدلوه تالي الوقت يدلي
و اللي عرفته من قرابه و اصاحيب=أحدٍ فهم شكواي و أحدٍ حقد لي
و أنا تراني ما تركت المواجيب=قبل يجي فالناس من ينتقد لي
اتعب ورى النوماس و أبعد عن العيب= و أجنب دروبٍ تجيب النقد لي
بعدي عن المنقود عز و مكاسيب=ما همني ضحكة حسودٍ حسد لي
أما شهد لي واحدٍ من هل الطيب =و ألا الردي ما همني لو شهد لي

و سلامتكم ,,

التوقيع

[محمد الذيابـــي]

,’


صح لساااان شاعرنا الرائع عيد الجعيد



لاهنت على القصيده الرائعه



,,,,,

التوقيع

التوقيع محمد الذيابـــي

[فهد العازمي العتيبي]

...

صح لسانك شاعرنا عيد الجعيد

ولاهنت ،،،

التوقيع

للتواصل على تويتر https://twitter.com/falotaibi5115 ،،

[سيف نت]

صح لساااااااااااااانك

[محمد@الجعيد]

صح لسانك يابو مشعل قصيده جزله

في انتظار المزيد من الشعر

[قـنـاص الـقـوافي]

عيد الجعيد
صح لسانك ولاهنت
عزالله قصيدة ٍ طيبه وتطرب الراس
لاتحرمنا جديدك

[عايض جزاء العصيمي]

صح لسانك ياجعيد


تحياتي

[ذعير العالي]

صح السااااااااااااااااااانك