السلام من السلام لياء ملك شعب السلامي

[فيصل مطر]

السلام عليكم

اخواني الافاضل اعضاء وزوار منتدى الهيلا عتيبه والوطن الشامخ تقبلو مشاركتي بمناسبة اليوم الوطني ودمتم طيبين

جيت ودروبي طوال وقلت وعلومي قصيره=مبتديها بالتحيه وانتهيها باحترامي
كل ماصالة وجالة مثل جولن مستذيره=كنها سرب القطى الي واردن له من مظامي
ماتحيرني وانا ماني مظريها بحيره=لين اوردها على عدالرواء ورد الحيامي
ياسلام الله على الي فيه خير وزاد خيره=والسلام من السلام لياء ملك شعب السلامي
سيدي على محياه السعد يضحك بشيره=صاطعن نوره على وجهه مثل بدر التمامي
يوم قيل الملك لله ثم اله مافيه غيره=قلت عبدالله ولد عبدالعزيز ابن اليمامي
ماتجودبه القريحه ماتجوده السريره=فيك ياشيخ الملوك وفيك ياسام المقامي
انت ياباني صروح المجد فوق ارض الجزيره=فوقها شرقن وغرب وفوقها شامن ويامي
مابقي ف ارض الوطن كله ولاحبة شعيره=ماقطر غيثك عليها واستظلة بالغمامي
عاش ابومتعب شهاب النار في وجه المغيره=والله اني كل ماطريته يطيبلي الكلامي
قايدن والد نهار السلم في نهجه وسيره=ويتقدم في نهار الظيق ويفك الزحامي
ماحكمنا خاينن سواء انقلاب ولا شويره=ماحكمنا غير ايمتنا ابنا أيمتنا القدامي
والتلاحم في بلاد النور وارجاه الكبيره=بالولى موثوق لو تكثر خفافيش الظلامي
ماتغير بي ظرف ولاتطير بي طيره=ولا يفك الحامنا الطقاق فكاك الحامي
ماتشوف ابليس في كل الشعوب يدق زيره=ماتركنا غير ياس ابليس ملعون الرسامي

مع تحيات اخوكم:فيصل مطر
(راعي الزرقاء)

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)