أكبر خطاياي

[فراج الوتيدي]

تَمتَم ونَمنَم ذابل الصوت بشفاي=صَمصَم وطَمّ الفم داخله جمره
مليت أجاذب ونتي ونة الناي=واجبّر الخاطر ولا فاد جبره
كل الليالي غير يوم انت وياي=معك الليالي بيض قمرى وسفره
واليوم غبت وغابت أجمل هداياي=أواه لو تدري شبالجوف حرّه
خذني معك يمبلل الكُم ببكاي=دمعة رجل يكنّها بجوف صدره
شربتك السكّر مع(ا) كاسة الشاي=والليل يسري بي معك للمجرّه
أشكي على نجم الفلك منك بلواي=واسقي سحايبها من الغيث عبره
(إ)سنين وانت تقول ليّه تحرّاي=شف قلبي من كثر التحري وصبره
تشظّف وبعثر حطامه خلاياي=وتفتفتت كبدي لمليون ذرّه
يا عاشقي تدري وش اكبر خطاياي=إني عشقت من المزايين مرّه
ملّكتك إياني وضنيتك دواي=أثر الدوى ما جاب غير المضرّه

«®°·.¸.•°°·.¸¸.•°°·.¸.•°®»فراج نغيمش الشمري
9-7-2011«®°·.¸.•°°·.¸¸.•°°·.¸.•°®»