إنتهى التعداد في القرية الرشيدة = والنتائج أعلنوها قبل مدة
الموظف صار من تحت الحديدة = والشباب الله يا زين المخدة
و المقاضي نار تحرق ما تريده = والرقابة غطـّـت التاجر و زنده
و المناهج في مدارسها جديدة = من مناهج أجنبيـّـة مستمدة
والمرض فتـّـاك والصحة بعيدة = والخطأ الطبي تفشى من يرده
و الأمانة والمشاريع السديدة = من سنة تبنيه في ساعة تهدّه
والشوارع كنـّـها كلمة "بريدة" = و المطبات العتيدة مستعدة
والحريم يبون تغيير العقيدة = يزعمون إن العقيدة مستبدة
طالبوهم بالمساواة الأكيدة = والقضيـّـة " هل يبي الموضوع شدة؟"
والقصايد مثل تقرير الجريدة = أشبعوهم شعر هابط هات وده
و الخطأ موجود في هذه القصيدة = لا تقولون الثبيتي باح سده
من خيال الناس تمرير المكيدة = ومن خيالي جبتها "إيده" و "إده"
السياسة والعلاقات الوطيدة = للملوك ومالنا فيها مودة
التعداد
العرض الشجري