اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
14-Jul-2010, 10:18 PM | رقم المشاركة : 1 | |||
|
الاقربون أولى بالمعروف
لقيت بعض الناس طيب للاجناب = وربعه بوقت الضيق مايمدحونه
ينفق على القاصي بلا من وحساب= يبي إليا جت سيرته يمدحونه وربعه مغطيهم من الهم جلباب =الفقر يعرفهم وهم يعرفونه ماجربوا لذة حسانيه الاقراب= ولا اثنى عليه الي تراكم ديونه وام اليتامى واليتامى والانساب= جميعهم بالخير مايذكرونه هم بالحقيقة مالهم عنه مجناب= لكن عز انفوسهم حال دونه إن صار فيه مناسبه عندهم غاب= ويشره يبيهم لاعزمهم يجونه وان جوه من دافع وفاء وصل الاقراب= ام كشر وإلا عطاهم امتونه النوع هذا ودعه بقضب الباب= واستقبله بمقدمات المهونه عليك بـ الي طيبهم نال الاعجاب= راسين في ميل الزمان وسكونه على الطبيعة بالكرم والترحاب= والدين والماعون مايمنعونه معودين انفوسهم حسن الاداب= ومعودين عيالهم للخشونه والطيب جسرٍ تصعده فوق بعتاب= فوقه من احفاد النشامى نمونه يهومه الهلاس من بين الاصحاب= واليا نوى تدخل عظامه اصخونه وإلا الردى نزله رخامة بسرداب= ضيق وعشاق الفشل يدخلونه فيه الحسود يحد ضرسه والانياب= ويدرج على خيرات غيره عيونه وفيه البخيل وفيه ظالم وكذاب= ومدلعٍ مشغول في بنطلونه ابوه مايحسب من اصحاب الالباب= ماعلمه بالدرب وامه حنونه والشعر لو امشي بدعواه جذاب= اسبح محيطاته وغني الحونه لكن عندي بيت والقاف ماشاب= ختمت به والشعر واجد فنونه الصمت في وقته مريح للاعصاب= لكن تراه في غير وقته مهونه للشاعر : فهد هجاج البشري الحربي |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
أدوات الموضوع | |
انواع عرض الموضوع | |
|
|