(سوار الذهب) أو (سوار المتناقضات)

[سرحان 511]

.
..
السلام عليكم ورحمةالله وبركاته

موضوعنا اليوم يختص بالمترادفات والمتناقضات وصاحبها الاول عبدالله الميزاني الملقب بسوارالذهب

حيث انه من خلال اطلاعي على كل محاوره له وجدت انها لاتخلو من كلمات مترادفه اومتناقضه

ربما ان الميزاني يريد بذلك تحسين صورةالبيت مع انها فلسفه زائده عن حدها المقبول

اترككم مع سوارالذهب او سوار(المتناقضات)

كماهي وجهةنظري وكما هو الحال في معظم ابياته/

******


البنادم عن الزلات غير معصوم***وين كان التغني وين كان الغنا

اه راسي يعورني ولولا ما اقوم ***من سموعك ونين ومن لسانك ونا

انت مستوربن تركي همم لا هموم ***والتوكل على الله يا حياة الفنا

كلكم كلكم والكل ماهي بكوم ***امس من عزكم واليوم من عزنا

ويش رايك عصيم اقروم ماهم رخوم ***من حساب السنين الا حساب السنا

اعتبر كنك الحومه لمن لا يحوم ***كان شمر طنايا لاتكون الطنا

خابرين ازرق سماوي ما يعرف الا السماوه***يا ختامة خير ليش الناس تزهم بالاسامي

انت ما جيت الفضاء و اول سبب فيك الفضاوه***مايجوز تناشد العشاق عن تبع الغرامي

السلوم الها غلاوه والعلوم الها طراوه ***بس ما قسم عيال الناس غير الانقسامي !!!!!


انت فله جوف فله بس ما انت من الفلاوه ***كان شفت احطام غيري لا تحسب انه حطامي

نوب تقطعها صليب ونوب تربعها شهاوه***والثمامه ما نجي فيها على شان الثمامي

انتها عهد الخوان اللي يعرفون الاخاوه***واختفت شمس النهار ولابقي غير الظلامي

اشتر الجاوي من السيل الكبير وروح جاوه***فيك جهدي ظاع كله ما يفيد الاغتنامي

ينقصك تسليك ومواصير ...وابرق رغامه***والميد ما هو من مياده ... للي وراها

كبنه ياخذ اللقمه بيمناه ***يحد ولا عليه من الحدودي


يقولون الكفوف من المكافاه ***وانا اقول العدد غير العدودي

حياته كنها تضحك محياه ***ولا يا عود ما مستور عودي

بلاي اللي تعله ما تعلاه ***وجودي يالعصيمي ياوجودي

وش كان حظك في ركوع وفي سجود الغاشعين ***وانته على شان الحلي مالك شبيه ولا حلي

انته تواخذني على الطرقا وتاخذ لك طراق ***وانا اعرف انك ساحلي لكن مشقوق سحله

مايصيب الا المصيب الا الصبا غير الصبابه ***والعوازم لو تخيم فالقصب تفني قصبها

سامع ٍ لي علم من صوت المذيع من الاذاعه***قالو انك مع صلاح الدين تأمر بالصلاحي

انت حزم المانعي والمانعي عنده مناعه ***هبت الحايه صبا والبرق في منشاه لاحي

*****

اخيرا وليس اخراً انا وضعت الموضوع من باب الاستفاده

واتمنى من عشاق هذا الشاعر وانا واحد منهم ان لاتأخذهم العاطفه

فالنقد البناء هواساس البناء والنقد المتحيز هومعول الهدم ...فائق تقديري لكم...

..
.

آخر تعديل سرحان 511 يوم 18-Jun-2010 في 07:02 PM.