يالبواردي سنه وبندقك فالمعلاق

[معجب العتيبي]

ماشاء الله تبارك الله ابداع يستحق القراءه مرات ومرات


تكفون او بلغة اهل الشام تفكون اللي يعرف يجمع الماحوره برد واحد يسويها بتكون اجمل

[محمد العضياني]

تخطط يالمعاون والقضية في يد السواق=يقود المركبه والله على السكه موفقها
لك الله ما تركها في غيابه رهن للاشوق=لكن القوم تسعى بينهم والحسد حارقها

[عيد العازمي]

المشاركة الأصلية كتبت بواسطة سارح البال

ماشاء الله تبارك الله ابداع يستحق القراءه مرات ومرات


تكفون او بلغة اهل الشام تفكون اللي يعرف يجمع الماحوره برد واحد يسويها بتكون اجمل

والله انك صادق تستحق التمعن مرات ومرات


فاتتنا يابو سلطان هههه

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[راس النايف]

لله دركم

البواردي & سلطان

ابداااااااااع يامبدعين

[سلطان الجـذع]

لعيونك ياسارح البال

سلطان الجذع

سلام من الضمير اللي هجوسه ترضي الاذواق =عدد ماحن رعاد المزون ولاح بارقها
والا يابواردي حول السنه بندقك فالمعلاق =مااخبر بوارديٍ بندقه دايم معلقها

البواردي

هلا يا مـــــرحبا من هاجسّ للطيّبة سباق=عدد بعد المغارب فالبسيطة عن مشارقها
اعلقها ليا شح الزمان وبارت الاســــواق=واذابانت فلول الصيد رغبتها تحققها

سلطان الجذع

أخذت من الليالي تجربه بلغت بي الافاق =الاذن اكذب اللي تسمعه ..والعين اصدقها
ترى ماضاقت الدنيا ..ترى ماقلت الارزاق =ولكن العشاقه مايجيها غير عاشقها

البواردي

ليا اوحيت الرعود المدوية لا تسبرالبرّاق=عسى الله يرحم الاجواد ويسلّم صنادقها
ترى قيس الملوح يالعتيبي سيد العشاق=وليلى تسبقه في وصلها قدام يسبقها

سلطان الجذع

ترى مايتبع أفراح اللقاء الا دمعتين فراق =هذا وقتك ..مثل مايجمع العالم يفرقّها
تعلمني بمجنون دخل غيبوبته مافاق =انا اللي بالذهب والماس واللولو مطوقها

البواردي

مدام ذياب غانم ما نقض فالعهد والميثاق=مشاريه العرب ما تلحقه مهما تلفقها
ظلمت العاشق اللي في عيون اهل الوفا عملاق=واذا عندك دلايل يا وسيع العرف وثقها

سلطان الجذع

انا بقول غرر به نزيف الحبر فالاوراق =رسمنا له على الواقع خطط بالعكس طبقها
ترى في عالم العشاق يعطى فالوثاق عناق =ورى قيسك مفارقها ودمع العين مغرقها

البواردي

تخطط يالمعاون والقضية في يد السواق=يقود المركبه والله على السكه موفقها
لك الله ما تركها في غيابه رهن للاشوق=لكن القوم تسعى بينهم والحسد حارقها

[سلطان الجـذع]

البواردي مجرم ابداع ....صح لسانك ملايين
تشرفت باللعب معكـ ودائما ارتاح للعب معك

وعن اذنك خارج للضروره والشكر موصول
لجميع الاخوان الذين سجلوا مداخلاتهم معنا خاصهً
راس النايف &سارح البال &العازمي


وتصبحون على خير

[محمد العضياني]

تأكد ان الشرف لي يا سلطان الجذع

والمجرم الدولي معروف ما يحتاج

صح لسانك وسلم بوحك يا استاذ التميز

الشكر لك وللمشاهدين على القناة الاولى



وانت من اهل الخير

[راس النايف]

سلطان الجذع & البواردي

مطوقينها بالذهب والالماس عز الله

وكفوووووووو بيض الله وجيهكم

[محمد العضياني]

سارح البال

العازمي

راس النايف

حضوركم تشريف

[معجب العتيبي]

سلطان الجذع مشكور ياغالي وهديه مقبوله

تصدق سويتها بمحاورتي مع العازمي وكأنها ضبطت هههههه كأنها بس تعب


الله لايهينك