نواف الشيباني+
ياسلام الله سلامٍ مهوب ايا سلام=فيه شرٍ للعدو فيه خيرٍ للصحيب
قوم يامعجب وخلك معي مشيك تمام=مثل مشي الجندي اللي قدم وجه النقيب
معجب العتيبي
مرحبا ترحيب قول وفعل ماهو كلام=يفرح الاصحاب ويشيّب رموش الحريب
صاحبي قام يتحلم وقام من المنام=واستمر الحلم والحلم ابه شيٍ غريب
نواف الشيباني+
البقاء ياصحابنا يارفيعين المقام=وان طلبتونا ترا فالمواقف مانغيب
صاحبك قوله صحيحٍ ولا جاء بالملام=يوم بعض الناس لاهو بعيد ولا قريب
معجب العتيبي
العرب قالوا ترا النور جلاي الظلام=والصدور يعالج اللي توسطها الطبيب
وش نوايا الطير ياهل الهدد من عقب حام=يابن مشيب والنوايا عساها ماتخيب
نواف الشيباني+
الطبيب يقول مابه علاجٍ للغرام=يوم انا عاشق هنوفٍ لها قلبٍ لبيب
الصقر ياصاحبي شافله قطعة حمام=كبهٍ ثم راح يم الحبارى فالشعيب
معجب العتيبي
الهدم ماهوب مثل البني حسب النظام=وانت يانواف حسب النظام امرك صعيب
ودي اعشيك ياصاحبي عقب الصيام=واعتقد في لقمة العيش ماجالك نصيب
نواف الشيباني+
ملتزم بلانظمه راكبٍ فوق السنام=مشكلتنا في طليبٍ مايخلص مع طليب
عش نفسك خلني لاتكلم ياغلام=ماخبرت ان الحصيني عزم يالربع ذيب
معجب العتيبي
دام مقصدك النظام عيش فوقه بأحترام=بس مابه عيش فوقه يانواف الحبيب
قال هاك الخير قال ابعده لا بالحرام=مايجيني لو تجيني على ددسن وجيب
« آخـــر الـــمـــشـــاركــــات »
26-Nov-2010, 11:30 PM
العرض العادي
