العازمي=
سلام الله سلامٍ يازن الشعـار فالمليـون=ويازن ثلث شعار الملاعب تالَ الازماني!!
توسّد يدك تحت الشجره اللي ظلها مقطون=قبل تظهر على وجه البسيطه يالعضياني!!
علي فلاح العضياني=
هلا يا مرحبا ترحيب ما مثله بهذا الكـون=هذا الترحيب لك تستاهله كلّه على شانـي
ورد في محكم التنزيل ذكر التين و الزيتون=قبل يستـوردون المملكـه تفـاح لبنانـي
العازمي=
يقولون الحيا نبته ظهر واهل الضعن يمشون=وانا ماصدّق العساس حتى آآشوف بأعياني !!
نخيل المملكه من تمرها ماتفـرق العرجـون=تسد اهل البلد من عصر جدانـك وجدانـي!!
علي فلاح العضياني=
عليك الله ما قصّر , عطاك أذن و عطاك عيون=و بإمكانك تشـوف اللـي تسمّعتـه بالاذانـي
بعد من تمركم يـا ربعنـا عبّيتـوا الماعـون=أشوف عيونكم في تمري و في تمر جيراني !!!
العازمي=
بغينا نترك الديره وسر اصحابها مدفـون=ولكن انكشف مضمونها للناس من داني!!
ترى زاد الفقارى مايسد الجوع. لاتنسون=يغلق مانقز حوله ويرجع مثل ماكانـي!!
علي فلاح العضياني=
ترى قاع البحر فيه الدرر و الجوهر المكنون=يحصّل من سبح في غبّته لولو و مرجانـي
نبيع النفط بالبرميل و انت تبيـع بالجالـون=على الشعب الفرنسي و المريكي و البريطاني
العازمي=
بحور المعرفه ماغاصها راسٍ بـدون متـون=عريباني تحلّم وان صدق حلمـه عريبانـي!!
كساد السوق منه الشعب مثقل ياعلي ب/ديون=وفالشده يرد العلم لاهل العـرف والشانـي!!
علي فلاح العضياني=
ترى يا عيد لو يضحك على العاقل 100 مجنون=ليا جات النهايه يضحـك الاول علـى الثانـي
مفاتيح الكنوز اللـي ملكهـا الطاغيـه قـارون=ما تسوى لا عصا موسى و لا خاتـم سليمانـي
العازمي=
على الثنتين قبل الثانيه يوخذ بدلهـا شـون=مسافه ماشهر فيها ياكود طـوال الايمانـي!!
عسى الله يحفظ اللي في ذراهم مايجيك غبون=يعادل فعلهم فعلك زمان السيـف شامانـي!!
علي فلاح العضياني=
هـل العـادات تدفـع فالمواقـف دمّهـا عربـون=يكـون بعلمـك إنّ الصيـت للافعـال عنـوانـي
عسى الله يحفظ اللي للوطن سور و ذرى و حصون=تعيـش المملكـه فـي ظـلّ عبـدالله و سلطانـي
توسّد يدك تحت الشجره اللي ظلها مقطون
قبل تظهر على وجه البسيطه يالعضياني
توسّد يدك تحت الشجره اللي ظلها مقطون
قبل تظهر على وجه البسيطه يالعضياني
ورد في محكم التنزيل ذكر التين و الزيتون
قبل يستـوردون المملكـه تفـاح لبنانـي
ورد في محكم التنزيل ذكر التين و الزيتون
قبل يستـوردون المملكـه تفـاح لبنانـي
ابو طلالال
صح لسااااانك ملياااار
يابحر
الو فلاح صح لساااااانك
مليااااار
يامجررم
طاروووق
عن 50 طاااروق
« آخـــر الـــمـــشـــاركــــات »
01-Mar-2010, 09:28 AM
العرض العادي
