سلام الله سلامٍ يازن الشعار فالمليون = ويازن ثلث شعار الملاعب تالَ الازماني!!
توسّد يدك تحت الشجره اللي ظلها مقطون = قبل تظهر على وجه البسيطه يالعضياني!!

هلا يا مرحبا ترحيب ما مثله بهذا الكون= هذا الترحيب لك تستاهله كلّه على شاني
ورد في محكم التنزيل ذكر التين و الزيتون=قبل يستوردون المملكه تفاح لبناني

يقولون الحيا نبته ظهر واهل الضعن يمشون = وانا ماصدّق العساس حتى آآشوف بأعياني !!
نخيل المملكه من تمرها ماتفرق العرجون = تسد اهل البلد من عصر جدانك وجداني!!

عليك الله ما قصّر , عطاك أذن و عطاك عيون=و بإمكانك تشوف اللي تسمّعته بالاذاني
بعد من تمركم يا ربعنا عبّيتوا الماعون=أشوف عيونكم في تمري و في تمر جيراني !!!