مقعدالدغيلبي =
ياسلام الله سلامٍ خارج احدود الصداقه=قلتها واقولها واحمي كلامي ماعليـه
يالثبيتي كان تجهل معرفتنا والعلاقـه=ماعلى مثلك حسوفه وانقلع مقلع طميه
النشمي =
مرحبـا ترحيـب امـده للبعـيـد ولرفـاقـه=مرحبا من هاجساً يقدح سطر والنـار حيـه!!
الثبيتـي ماجهـل والمعرفـه عنـده شفـاقـه=من شيوخ وساس عرف وعنده احلول القضيه!!
مقعدالدغيلبي =
يالثبيتي تدري أنا ماخذيناهـا سراقـه=وسمنا ماتجله والوسم في خد المطيه
مادريت انك تكد الراس لمواس الحلاقه=بعد هذي مالك الاسم داب وسم حيـه
النشمي =
الثبيتي جاء وحصله مع اهل الـذود ناقـه=وان بغيت الصدق مايدري عطا والا هميه!!
قلت ابنشد ربعي العتبان بسلـوم ورواقـه=ويمكن ان الشيخ مقعد باع واخذ الجامكيه!!
مقعدالدغيلبي =
مالقيتو شي لاكـن بالرواقـه بالرواقـه=انت عندك مشكله وسط الخلايا المنجليـه
ياوسيع المعرفه عندي مواثيـق وبطاقـه=وانت خلك مع طريق السيل وارجع للحويه
النشمي =
انت بعض احيان تاخذك الجهاله والحماقه=لو على كيفك تهد المملكه والفيصليـه!!
اثبت اثبت دون علمك لايجي فيك انطراقه=لا يلومنك عتابه بعد ضيعـت الرعيـه!!
يالثبيتي تدري أنا ماخذيناهـا سراقـه
وسمنا ماتجله والوسم في خد المطيـه
يالثبيتي تدري أنا ماخذيناهـا سراقـه
وسمنا ماتجله والوسم في خد المطيـه
ههههههه
الله الله
صح لساااانك يابو فيصل
ملياااااار
الثبيتي جاء وحصله مع اهل الـذود ناقـه
وان بغيت الصدق مايدري عطا والا هميه!!
قلت ابنشد ربعي العتبان بسلـوم ورواقـه
ويمكن ان الشيخ مقعد باع واخذ الجامكيه!!
هههههههه
ابو فهد محد يلزمك نهائيآ مجرم مجرم.
صح لساااانك مليااااار
ياليت اكملتوا الطاااااروق
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
08-Feb-2010, 08:02 PM
العرض العادي
