قصة الشيخ الفارس محمد الشغار(ذيب الطراد) وفرس ابن قرناس

[اخذ العلم]

ونعم بمحمد الشغار

[زعيم المراجل]

حنـا عتيبـه ملحقيـن المخلـيـن= بعنـا بسـوق الطايـلات وشرانـا
قومٍ على صولات الايـام ضاريـن= لو عضنا نـاب الدهـر مـا قوانـا
يهابنا الطمّـاع لـو قلبـه اذهيـن= نبطش محلات الطمـع ليـا غزانـا
لنـا سلـوم غالـيـات المثامـيـن= سلومنـا محـدن حملهـا سـوانـا

[سفير الدوله]

ويكفيه قصيدة والده ناصر الشغار:

ذيب الطراد أنجاه حل القضاء فيه
مايسنح المركاض يضرب عويره
خاله وابوه أمشبحينه باياديه
ولولا شبوحه كان ماراح ديره
الدرب أله مع كل ريع منقيه
والبذر ما يخلف نباته بذيره
لين القبايل كلهم خايلوا فيه
وخيلته اللي كالمهاه الحذيره
أصايل من فيدنا ماتعب فيه
علط الرقاب يسابقن الذخيره
والله يالوهو والدلي ماخليه
في والدي والله مااطيع المشيره
واتبع هوى نفسه واجي في مراضيه
والعمر صيور الدواير تديره
الحر يقضب ماكره مايخليه
يقطع من النيات نفس تديره
حرً ومن ماكر حرارً مجانيه
ياحيف يالولاه عمي البصيره

قريبا انتظرو ا شيله رائعه لهذه الأبيات بصوت احد المنشدين المميزين
سوف تنال اعجابكم انشاء الله في ديوان الشيخ ناصر الشغار للنسخه الثانيه

[الثاقب1]

اورد لكم قصتان اخرى لفارسنا البطل الشيخ /محمد الشغار
الملقب (ذيب الطراد) ويلقب كذلك راع العليا
والمذكور غني عن التعريف فهو احد ابناء ناصرالشغارالخمسه شيخ قبيلة الدماسين والذي قال ابن رشيد عنه وابناءه يسأل في مجلسه من يخبرلي ماكر ٍ كله ندرمافيه لالزيز ولاتبع قالوا الحاضرين ياطويل العمر في حوران في ....في .قال ماجبتولي سالفه انا الي خابره وابي اعلمكم هذا ناصرالشغار وعياله الخمسه هم الندر وعياله الخمسه هم //////
محمد/عيد/ وسلطان /وزبن/ وفيحان/
ومحمد بطل هذه القصه والذي لم يخلف من ابناءه الخمسه احد سواه وابناء محمد هم محماس الشغار الشيخ والفارس المعروف وحمس الشغارفارس شهير توفي كذلك لم يخلف احد ـــــــــــــــــــــــــــــــــــــــ
ننقل لكم القصتان من افواهـ الرواهـ ........

القصه الأولى مع المطران(السقايين):
عن بعاج الحابوط وعن كذلك عدد من كبار السن الا اننا ننقلها من فم الراوي نفسه وهو حي يرزق ويبلغ من العمر الأن خمسه وتسعون سنه ــــــــــــــــــ
يقول الراوي
في سنة الأرجعنات الثلاث ويحددونها بعد وفاة الملك عبد العزيز قال كانت الهييشه مربعه والنزلاء من الباديه فيها كثيرين وذهبت انا يابعاج ومحمد بن طعيميس القوبع لهاك البيت الكبيرمروبع نبي ذبايح ونتنشد عن جماعة نبيهم قال يوم جينا البيت ليافيه هاك الشايب الكبيرجالس على شداد قال الرجال طبعه شمالي وقلنا انه من شمر لأنه ثقيل وعادة الشمري مايسأل ضيفه منين جاي ومنين رايح لويأخذ ثلاثة ايام
قال حنا يالروقه عجلين ومحمد رفيقي عجل قام ينشده قال منين انتم قلنا من ابوجلال قال من اي قلنا روقه قال من اي قلنا من جماعة الشغار قال هو ينتهض ليا معتدل في جلسته قال وهي تنطلق دمعته قلنا ياشايب علامك قال والله والنعم والله ياعيالي مانعرفكم الا بذكركم حنا من بني سالم من حرب وحنا نوالي شمر وحددن ال شمر ابا اعلمكم ياعيالي هذا ابن عم لنا يقال له خليف يحكي علي بنفسه كان صبي عند محمد الشغار يقول صدرنا من كبشان وعلانا خوف والناس مع بعضها قال وليا فيه صيفية مخالفة عن دربنا والطروش وجهتها وحده قال واباعري تنحر الصيفيه والحقها ابي اردها قال عمي خلها خلها والله ماتردها عن وجهتها ياعمي خوف ولا غيرنا احد قال خلها قال ونمسيها ونصبح فيها
قال يوم تعينت ليا روس الشلف كنها الغربان والخيل معطيتنا روسها قال اطالع لعمي ليا هو هناك محول عن فرسه قال وليا لي بكيرتن عرقتي قال وان اثنيلها ياحرب بالعقال في هاك الطلحات وانا ابرك عليها قال عيني لعمي لياذبح قال لياهو هناك على محواله ماتحرك والخيل ضربتنا والبل ثعوبها
قال هو ياخذبها شوي عديان وهو يطمر في ظهرها قال والله يوم اعاين في عجتها ان كنها الدجه السوداء بعد حذفة اليد عن عجتها ماتشوف راسها من ذيلها مختلطه قال هو يضربهم ياحرب ليا طالع قبله قال وهو يرد عليهم ليا طالع قبله قال اربع مرات وهذي سواته قال ليا القلايع من الخيل اربع قال ليا القوم يوم ولتنا ظهورهم الي سلم منهم غير الي طاح قال هو يردها بلي فيها من الخيل قال والله مانقص منها حتى المفرود
قال انا مدري وش يبا يسويبي هالحين وانا افك بكيرتي هو يجيني كنه البعير الهايج زبده عايم قال ياخليف ضم البل ضم البل قال وهي يجيلها حنه وهي تعاطف على عيالها قال احلب لنا قال وانا اضرب هاك القعب من الحليب لين طلع مع فمه قال وهو يستدنيه ويحطه على ركبته قال وهو يضرب فيه قال وهو يرفع راسه قال استاهله ياخليف قلت ايوالله تستاهله ياعمي قال وهو يلحق عليه قال والله ياحرب قول خليف ماشافت عيني ولا فيه اشجع من هاك الرجل ............. قال ونجي نبا نقوم قال الله ومانه لتأكلون غداكم من شان هالحموله الي انتم منها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
القصه الثانيه
يرويها محمد بن مطلق بن رايز من السحله من العضيان عن سلطان ابو خشيم شيخ المراشده قال يقولي انا سلطان يحدثني بنفسه قال يحدثني بهذه القصه هندي الذويبي بنفسه والمعروف بان الخشمان لهم صلة مع الذوبه خوال لهم قال يقولي هندي يسولف علي ابوي ناهس يقول غزانا يم عفيف قال يوم جينا على عفيف قال اليا الأبل جرتها تو صدرت وليا معها جرت رجالين وجرت فرس حافرها كبير قلت ابشروبها اقوله الجماعتي قال ومع الجره مع الجره قال ويمسينا الليل مالحقنا عليها قال يوم اصبحنا ومع الجره قال لينا نشوفها قالوا حرب والله ماتركض يالأمير نبا نجيبلك الأبل قال وهم يركضون من عندي عليها قال يوم دريت ليا الخيل معطيتني وجيهها والخيال راكب على ساقتهم الحاله قال وانا انطحه ياحرب والله ماغير ابا اهيب عليه الي كسر اطيب ربعي وقلع الي قلع قلت خيل البويضا وانا ناهس قال تعقب خيل العليا وانا محمد قال قلت عنه عنه اقوله الربعي قالوا نبا نرد عليه يالأمير قلت والله ماتردون السلامه منه مكسب الي راح من خيلنا ورياجيلنا اغلا من اباعره قال والله انا منكفين ياحرب من هالغزيه ردنا هالعتيبي لحاله

القصه نقلت عن احد المصادر

من قصائد والده فيه





ذيب الطراد ان جاه حلا القضاء فيه==مايسنح المركاض يضرب عويـره



وكذلك اخرى




وغيره عقاب لابرق الريش قصام==عيا يجي يمـي وعييـت اجيلـه


__________________