عبدالعزيز بن جامع (يرحمه الله)

[شجاع السواط]

نواف العصيمي

هلا وغلا بمرورك الكريم

وجهك ابيض

وصح بدنك

ومشكووووور على المرووووور

تقبل تحيات اخووك

[فيصل المسعودي]

صح لسانك يالسواط

رثيت من يستحق الرثاء

رثيت فأوفيت يالغالي

رحم الله الشيخ بن جامع وأسكنه فسيح جنانه

تحياتي لك

أخوك

فيصل النفيعي

[شجاع السواط]

فواز العتب

الله يرحم الشيخ عبدالعزيز ويجزيك خير الجزاء ..

اشكرك مرورك وتعليقك ..

وتقبل تحيات اخوك,,,,,,,,

[شجاع السواط]

فهيد الرويس

تسلم يالقرم والشيخ الله يرحمه يستاهل الكثير والكثير ولن يفيه احد حقه .. ولم يبقى لنا الا الدعاء فعسى الله ان يتقبله مع الصالحين الابرار ويدخله جنات وانهار ..

مرورك على متواضعتي شرف ...لاعدمتك

تقبل تحيات اخوووووووووك,,,,,,,,,,,,,,

[فواز العتب]

واعزّي صحون الشبب والعود واصناف الدلال= اللي تقدم للضيوف وينشرب فنجالها

يالله وحنا طالبينك في خشوع ٍ وابتهال=تغفر لبن جامع ذنوبه دقها واجلالها

وتنزله في دار خلد وفي نعيم وفي ظلال=وانته كريم وتجزي الحسنه بعشر امثالها



اللهم أميييين الله يرحمك يابن جامع

وصح لسانك ودمت مبدعا يا شجاع

[شجاع السواط]

ابو نجر النفيعي

صح بدنك يالغالي

اشكرك على المرور والمتابعه..

تقبل تحيات وتقدير اخوووووك,,,

[شجاع السواط]

السميري

اهل الطيب ماينجحد طيبهم ويستاهلون الوفا ..

مرورك غالي ياغالي ..

تقبل تحيات اخوووووك

[فهيد مقعد الرويس]

المشاركة الأصلية كتبت بواسطة شجاع السواط

الله يرحم الشيخ عبدالعزيز بن جامع والحقيقه ماينلحق مداه لا بالطواريق ولا بغيرها .. لكن هذي مرثيتي وابتهالاتي ..

ان السنين الغبر ماتمحي مواقيف الرجال=تبقا الرجال مأرخه باقوالها وافعالها
الوقت ينجب كل يومٍ من شغاميم العيال= ناس ٍ تجي وتروح والأيام هذا حالها
بس الدهاه اللي مآثرهم على روس الطوال = روس الشيوخ اللي تظلل ربعها بظلالها
على عدد عـد الأصابع لو بغيت أضرب مثال = ما كل من تنجب ولد يقدر يطيّب فالها
وأنا يحز بخاطري شمس ٍ تقفاهـا الزوال = وغيبة رجال ٍ ما يجي بين الرجال أمثالها
البارحة مات أبن جامع ياكريمين السبال = شيخ ٍ يغلق فالعلوم أخفافها وثقالها
مات الكريم أبن الكرام بليلة ٍ غير الليال = شد الرحال وغيره رجالٍ تشد أرحالها
عز الله أنه راس مال اللي بليا راس مال = وعز الله انه عزوة اللي عزوته يرثالها
حاتم عتيبه غاب زوله مير ذكره لايزال=له قصةٍ تبقا وتبقا فالحياه اطلالها
في ملتقى الهيلا مضيّف ربعه اخيار الجمال=و200 راس من الغنم سيقت بدرب جمالها
ساق الهدايا ماحسب فيها جنيه ولا ريال=كرّم بني عمه وطيّب فالها وعقالها
ضرب مثل بان الكرم لاهل الكرم سهل المنال=وماهو بسيط لناس تعبد قرشها وريالها
والله ماجا بيني وبينه جواب ولا سؤال=لوكان شفّي شوفة عتيبه وكل ابطالها
الطيّب من الناس يستاهل ليا عاش الوصال= وان مات تبكيه العيون وينتثر همّالها
وعبدالعزيز الشيخ تبكيه الرجال بكل حال=وتبكيه نجد ورملها وسهولها وجبالها
اعزّي الروسان وافين المكارم والخصال=واعزّي عتيبه جميع شيوخها واطفالها
واعزّي صحون الشبب والعود واصناف الدلال= اللي تقدم للضيوف وينشرب فنجالها
يالله وحنا طالبينك في خشوع ٍ وابتهال=تغفر لبن جامع ذنوبه دقها واجلالها
وتنزله في دار خلد وفي نعيم وفي ظلال=وانته كريم وتجزي الحسنه بعشر امثالها

اخوكم شجاع السواط

صح السانك

ياشجاع قمة الجزاله من شاعر جزل لايستغرب منه هذا الشعور وكيف

وانت واحد من القبيله الذين الامهم رحيل مثل ذلك الشخصي الذي لام رحيله

اشخاص لاعد لهم ليسو من عتيبه للمواقفه الغراء مع الجميع

شكر للشخصك الكريم ياشجاع

وصح السانك مره ثانيه على هذه الجزله

تقبل تحيتي وتقديري

[محمد صالح العطاوي]

صح لسانك
والله يرحم ابن جامع

[أبو الوليد]

رحمه الله رحمة واسعة وغفر له واسكنه فسيح جناته

مرثية جزله وضافية من شاعر مبدع وجزل

لمسة وفاء تدل على الإحساس بألم الفجيعة .

صح لسانك يا السواط ..

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ