عبدالله الحربي
وين انت يابندر اللي يعدونه شاعر على العز والطيب بانيها=اقولها والرياجيل قدامي من لا يعرف الصقور يتشواها
الموت لي عزوة ما يهابونه وانا تقدمت وآخذ وابا اعطيها=ياالله عسى الما يبي يروي الضامي من لا يعرف الصقور يتشواها
بندر المرشدي
حاضر وموجود يلي تنادونه صاحي لكل السوالف ويوحيها=باني على الطيب ماهو بهدامي من لا يعرف الصقور يتشواها
وانا بعد لابتي قدم تردونه خضوا حياضة وحرب النعم فيها= لكن نعرف بتحطيم الارقامي من لايعرف الصقور يتشواها
عبدالله الحربي
البيت له عز والعز بركونه مع تالي الناس والا بماضيها=ويبين فعل الرجل طول الايامي من لايعرف الصقور يتشواها
البرق با العين والرعد توحونه جتكم سحابه بعيده مناشيها=والبدو عسو وشالو لها شمامي من لا يعرف الصقور يتشواها
بندر المرشدي
معروف شكل الذهب ما اختلف لونه سلعة ولا غيرها اللي يضاهيها=مذكوراً العام واللي ورا العامي من لا يعرف الصقور يتعشاها
ترعد وتبرق ولاهي بمضمونة منها المطر سهل والريح قافيها=لكن خل الروابع والوهامي من لا يعرف الصقور يتعشاها
عبدالله الحربي
المرشدي يمنا طارت عيونه الله يستر لا يكحل ويعميها=من طاح حظه فانا اقول لاقامي من لا يعرف الصقور يتشواها
ما جيت ابا اطلبك تونه وزيتونه الناس ربك من الخير يعطيها =جيتك يا بندر على جنبي حزامي من لايعرف الصقور يتشواها
بندر المرشدي
من هاذي اغسل يدينك بصابونه لاعاد ياطيب الفال تطريها=ياهيه لا تقعد يدينك تواميّ من لا يعرف الصقور يتعشاها
عبدالله يدور الزاد بصحونه لقمة صغيرة ولا هو بلاقيها=يمكن نهايتك تشبه لصدامي من لا يعرف الصقور يتعشاها
عبدالله الحربي
صدام الاكراد با النوم يلقونه من فعلةً يا العتيبي مسويها=لو طاح والله مثله ماينلامي من لا يعرف الصقور يتشواها
يا اصحابنا ويش هرج تقولونه الناس تنظر وتسمع باذانيها=والبوصله دايم تتجه شامي من لا يعرف الصقور يتشواها
بندر المرشدي
بالله ياربعنا وش تسمونه اللي يحط الشرك في ارقبته ويلويها=والا انت محشوم من قوماً حشامي من لا يعرف الصقور يتعشاها
اطويق لنكان تقدر تدربونه صوت لكل القبايل باساميها=ثم ازرعوا تحته طنون الألغامي من لا يعرف الصقور يتعشاها
« آخـــر الـــمـــشـــاركــــات »
12-Mar-2008, 11:22 PM
العرض المتطور
