انا هذا الحضور اللي غيابه ماعرف يلقاه

[ابـن نـعـيـس]

نشـف ريق السـراب.. ولا ملت عـين الطريق خطاه =قسـا طين الكلام ولاقسـا..زاد البلل طـينه
شرب مر السكـوت من الحـروف اللي تبي تقـراه =وسجد كفر القصيد لدفتري لين اعتنق دينه
غـرقت اكتب كـلام مـانجـيت الا ..عـشـان اقـراه =ونجـيت اقرا عذاب ماغرقت اكتب عناوينه
ترا هـذا الصـواب اللي خطاه ان الصواب اخطاه =وانا هذا الصويب اللي خطاك انك تحبينه
انا هذا الحضور اللي غيابه ماعرف يلقاه =واناذاك الغياب ..اللي حضوره ماعرف وينه
انا ذاك البعيد اللي يموووت..! ولايعيش اقصـاه =واناهذا القريب اللي مبعـثر بينـه وبينـه
انا (صـوت السكـون) اللي سمع غنج الصدى واغواه =بكى حـتى. بكى حـتى . بكى. من حـسـرتـه عـيـنـه
عـسى صـبـح الوضوح ليا سرى ليل الغموض وتاه =يجـي مثل الضــرير اللي يمـد الشوف.. بيدينه..!!
ذكـرت انـي نسـيــت اذكر كلام..! مانويت انسـاه =ولكني ذكرت انك.. نسـيـتـي ماتـعـرفـيـنه
انا من معشـر الانـس الاوادم.. اوليـاء الله =واعـيـش بعـالم:...(الجـن تعــّوذ من شـياطـيـنـه)
نشـف ريـق القصيد ولا نشـف ريقـه شـرب معناه =ســقا طـيـن الكلام.. ولا بعد هذا القسا طينه..!!!

التوقيع