المحاوره المباشره التي جرت بين( صقر سليم=عيضه الثبيتي )

[نايف الحميدي]

عيضه الثبيتي


صقر سليم


بيض الله وجيهكم على المحاوره الرائعه



اخوكم

التوقيع

[محمد الروقي]

هههههههههههههههههه


الله عليكم


طاااروق اسااتذة ..وفاتني بعض الدرووس ههههههههههههه


لكن استمتعت بالقراءة


صح لسااانك ياعيضة ياسفير عتيبه

ومرحبا بالشاعر صقر البقيلي في منتداه وصح لساااااانه



لاهنتم

[الفراهيدي]

صقر سليم


عيضه الثبيتي


صح الله السنتكم


وبيض الله وجيهكم

التوقيع

AL-frahedi@hotmail.com

[رجـم النـايـف المطيري]

0
00
-000
الله الله
صقر سليم×عيضه الثبيتي
صح لسانكم وابدعتو وماقصرتو
وتحيه خاصه للصفوف
وشكرا
000
00
0
رجـــم النــــــايــــــف

[مشعل الريمان]

ياسلا م ياسلام

محاوره رائعه جداً جداً


فاتتني لكني أستمتعت بقرائتها


تحيه للشعراء عيضه الثبيتي وصقر البقيلي

[مورد الهياب]

محاوره جزله وبيض الله وجبهكم

[مرزوق حمدان العتيبي]

عيضه الثبيتي
...

يامرحبا ترحيبة العتبان بسليم الكرام=اللي على طول الليالي ما اختلف قانونها
ياسليم ياهل العرف مطلاع الكلام من الكلام=واللي يقف من دون ربعه ينثني من دونها

صقر سليم

دام البقا ياللي تسابقنا على ردالسلام= وانته تحقق يالثبيتي وتعرف مضمونها
هذي حقيقه واضحه والنور اخير من الظلام=كل الدير ياشاعر الهيلا نعرف حصونها

عيضه

هذاه من زود الغلا ياصاحبي والاحترام=حنّا هل الأولى ترانا والسلوم نصونها
اما اعقلوها بالعقال وخطّموها بالخطام=ولا بلاش من البيوت اللي طوال ركونها

صقر

تحية الاسلام من حق المسير فالنظام= هذي سلوم الدين والمفروض ماتنسونها
حنا رجالٍ ما لحقنا في لوازمنا ملام = خل الأمانة لا انت راعيها ولا مامونها

عيضه

ياصقر صح النوم لايغلبك ياصقر المنام=اسليم عن بعض المواقف لاتنام عيونها!!
ياجعل رجالً مايعط الحق بيته للهدام=ويبارك الله فالرجال اللي تسد ديونها!!

صقر

سليم في وقت المواقف خصمهم يصبح عدام =روس المجنن من فعايلهـم تطيـح جنونهـا
وانته يا عيضة لو ورثت العود مرحوم العظام=يمدي ثبيت اللي تعزوى بك بردت غبونهـا

عيضه

ما اذمكم ياصحابنا والزرع قافيه الصرام=مير البحور السبع يالسلمان لا تعطونها!!
الحيَّ سدّ النوب.. واللي مات جعله للرحام=وأم الكباير في علابيها كسرنا شونها!!

صقر

نمشي على عز وشرف ماهو بعيب ولا حرام=أحسن من اللي حطت السكين في حنحونهـا
الطرقي اللي ما معه بندق ولا عنـده حـزام =ما هو غريب تحطه ذياب الخلا في بطونهـا

عيضه

لا تنشد الا شايبً عمره ورى تسعين عام=ويعلمك باللي تقارع فالبحور صحونهـا!!
أنته تروّعك الذيابه ياصقر قبلـه وشـام =وحنّا الذيابه يالبقيلي كاسرين سنونهـا!!

صقر

نشدت شايب قال ما حنا محل الإتهام = الشكّ حول اللي تبى تقلع جبل بقرونها
الاولة من قسمنا وان كان في خشمك عرام = نعطيك فركة خشم لين العين يدمع نونها

عيضه

ماهي بمنّا ياصقر منكم قريّب بالتمام=وراك ترميها علانا وأنت لونك لونها!!
مانته بويّا خشومنا خل الهذاري والحلام=اخشومنا مثل السيوف الحدب ماتقوونها!!

صقر

منكم وفيكم وانت جاحدها لكنك ما تلام = خايف يذكونك نهار العيد ويذكونها
خشومكم لو انها اكبر من شمنصير ونعام = يبا يجون البدو بالبكلين ويدقونها

عيضه

الطيب فاول قافنا والمسك في مسك الختام=ياراعي الطيَّاره اللي صفّرت طبلونها!!
العفو عند المقدره من شيمة الناس الحشام=الله عفى عن صقر لو ذبحة صقر ياهونها!!

صقر

بدري عليك الليل بدري لا تعذّر بالدوام = بكرة سواتي فيك طلاّبك يبا يلقونها
وافرك لأجل عتيبة الهيلا رفيعين المقام = والاّ أنت حبة من صلاة العصر في طاحونها

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مرزوق حمدان العتيبي]

...
.
الحقيقه انها من اجمل المحاورات التي اقيمت
ان لم تكن الاجمل ....
صح لسان صقر سليم وصح لسان اسدعتيبه ....
وبيض الله وجيهكم
... كانت ليله ممتعه كما توقعنا واكثر ....
شكراً للعموم على الحضور المميز و التواجد اللي تعودنا عليه ...

[شبل الغبيات]

محاورة جميلة وصح لسان الشعار