ملاك الابل في المزاينات الهدف(شهره ام مهايطه ام غسيل اموال ) "دعوه للنقاش "

[ابو محمد الدعجاني]

اخواني لماذا لا ننظر الى الموضوع بعدة زوايا

بصراحه انا من رايي ان الله عوض اهل الحلال خير صبروا عليها وعلى شقاها وعلى الدين والحين الله رزقهم بالمزاينات والمبالغ الخياليه صحيح هناك سلبيات ولكن بالاخير المصلحه والفائده تصب في مصلحة الابل وملاكها .


ياجماعة الخير انصبت ملايين بل مليارات وقامت مشاكل ومشاحنات وحصد ارواح على شئ لا يساوي خف جمل الا وهي (الكوره) بالله عليكم مالفائده منها ماهو الانجاز والمنفعه التي ترد على شعب من الكوره الا نفكر قليلا .

ادمي يشترا بالملايين لكي يلبس شورت ويلعب كوره هل يساوي ملايين ؟؟؟


كان فيه شايب شفت له لقاء مع الساحه وقاله المذيع هل الناقه تسوى مليون او مليونين الا ترا في هذا مبالغه تهقون وش رد عليه الشايب .


قال شويه في حقها منول الناقه تسوى راس رجال والحين الله انعم علينا بالامن والامان والاسلام شويه بحقها الملايين جا الوقت اللي نرد لها جميلها علينا .


والله ياخوان انا اعتبرها خطوه جميله بان يلتفت النظر الى الابل والحلال كافه صحيح هناك سلبيات مثل ماتفضل صاحب الموضوع لكن نقول الفائده بالاول والاخير للناس اللي شقت تحت عراقيبها والله عوضهم بخير منول ناقته تسوى 12 الف الحين تسوى مليون خله يترزق الله ويكد على عياله ويوسع رزقه .


وبعدين اللي ماله اول ماله تالي هذا طبايع وعادات وتقاليد ابانا واجدادنا خلونا نفتخر بناقه ولا جمل بالزين ولا نفتخر بواحد لابس مقوصر ويهرول ورا جلد منفوخ .

آخر تعديل ابو محمد الدعجاني يوم 11-Feb-2010 في 10:40 AM.