العازمي
سلام الله سلامٍ يقسم الدنيا من المثناه = مثل موج البحر منجات موسى قدم فرعوني!!
طلع للحشو حنه والجمل صجّ العرب برغاه = وديس الخلفه المصغر ضمر والدر مالوني!!
العمــــــدة
هلا يا مرحبا والطــــــاغية في خاتمة دنياه=يقول أمنت في عرض البحر بمدبر الكوني
تضيق الارض باللي كل ما يملك خروف وشاه=وربح اهل الوفا من طارف الاسواق مضموني
العازمي
زجاجه زيتها يشعل فتيله داخل المشكاه = وانا في دبرة اللي سيّر الحوته وذا النوني!!
ضجيج الشارع السيدين وصل اقصاه عند ادناه = وصدر الصبر بحبال الرجا ماهوب مقروني!!
العمــــــدة
ابن شداد اخذ حذراك من سيفه ومن شلفاه=قبل تسقط فالارض من الفرس وتقول شيلوني
مرور العاصمة مكتوب رقمه مار من يلقـــــاه=وسجنه لو دخلته ما تحصل فيه مسجوني
العازمي
ولد شيخ وحموله نجدته تحسب على يمناه = ولكن الحقيقه لايزال صغير بَــ/ عيوني!!
خواطر ليلة القمرا . هواجس ليل ومعاناه = حديث النفس ماسر الفواد ان كان مغبوني!!
العمــــــدة
عوانات الجراده ترمق الممحاه والمبراه=وضلع طويق فوق ادراكها .. له راس ومتوني
الا يا واجد قيس ابن الملوح من بعد ليــلاه=على الاطلال خله يحتري لا صار مجنوني
العازمي
ترى اللي وصّلك حد النجوم ينزلك بِـــ/يداه= بسيطه والليال المقبله ماهيب من شوني!!
توافقنا على حرفين والباقي بدا معناه = قبل كف الوفا ياصاحبي تغسل بصابوني!!
العمــــــدة
بعير الساحل اللي مال حمله لو يجيب اقصاه=مصيره راجع لدار الشقا ضامي ومديوني
مزيفة الحقايق كفها يالعـــازمي نملاه=على عمانها لا تبرم العقل الحلزوني
العازمي
وصل فرض الزكاه ومال سايب خسر من زكّاه = قدم راعيه درّجها بعد زكّاه بالهوني!!
بعد ماصار عمّ الرجل قرشه والآخو مخباه =نساير وقتنا الحالي بلامذهب وقانوني!!
العمــــــدة
خبير البورصة ما يختلف جالس على مركاه=يبيع ويشتري ريجيل تملك مال قاروني
مريض الضغط ماله غير من يكويه في علباه=قبل يزداد ضغطه ثم يصبح معه قيلوني
العازمي
موسس برج الايفيل مايعرف يقول مثلك هاه= ولاصمم مثل برجه بكستاني وتكروني!!
يفوح الما وهداج الضوامي لو تفيّح ماه = يشق الحزم ويطلّع ماتحت الارض مدفوني!!
العمــــــدة
تمايل برجه وحظه تنكس قبـــل ما يرقاه=وراح يحط كامل خبرته في فلم كرتوني
نطحت الوقت بالراس العنيد وذقت من بلواه=ولولا الله ستر ظليت جمرة فوق غليوني
« آخـــر الـــمـــشـــاركــــات »
05-Feb-2010, 11:09 AM
العرض المتطور
