أبيات مضحكة !!!! ( تعال شارك أو إضحك وإمش !!!! )

[عليان]

وصل العطياني
والله انا من المتابعين لقصيدك الجزل

لكن خذ هالقصيدات عساها تعجبك انت والربع

++++++++++

يا ما حلا التشيش مع سيحة البال *** في مجلس ما فيه شيشة ثقيلة
هـذا ابن هندي وهـذا ابن نيبال *** وهذا صعيدي ما لقينا مثيله

++++++++++

يــا ونـتـي ونــة الـجــربـوع *** سـقـسـيـن ديـزل تـوطـنه
يـوم التـفـت لا الذنب مقطوع *** ومن القهر جـر لـه ونــه
بـطـنـه تـقـطـّع وقـام ايهـوع *** واثـر الـجـرابـيـع يـبـكنـه
هاوع وهاوع وهو مصروع *** وان مات موته على السنه
سـبــة غـزال عـلـيـه ادروع *** خـده كـمـــا بـارق الـكـنــه
عليه عـيـنـي تهــل ادمـــوع *** واصـيـح بـالـصـوت واقنه
تـقــول ذيـب طـــواه الجـوع *** غــداري الـلـيـل خــاونـّــه
شاهـد شيـاهٍ على مشــروع *** وقام ايتحادى ورى الدنــه
خاف الضواري عليه اتفوع *** ثـم مـع عـلابـيـه يـلـونـــّه
وعـودٍ سـلـيـطٍ معه فاروع *** امـــفـــارقـه ريـحة الجنـه


++++++++++

وهذي قصيده الحباب ( المحشش)

شفت جيب المباحث على نقطة التفتيش *** نقطةٍ من ورى مفرق عشيرة
لين جمسي محمل حبوب وحشيش *** والخطر قدم عيني يالله الخيرة
قلت يا علم الندم ويش هذا ويش *** النصيب الردي صادفنّي مقاديرة
مار انا سبع الخلا والحصيني يعرف يعيش *** والدجاجة تلقط الحب ما روحت ديرة

++++++++++

وهذي بيتين لواحد عاجز بس اجمل ما فيها انه اعتمد على ربه

يالجـتـــي يالجـتـــي ***** ان كان ضاعت حجتي
وان كان ربي ما فرج ***** يا دجـتـي يا دجـتـي

++++++++++

والعنزي يوم تذكر عشيقته شالها هجينية على الربابة يقول

ياويل قلبي على حصاصة *** اللي عراضٍ مناكبها
الزول يا زول رصّاصة *** والراس ناشب بغاربها
تقول فـ البحر غواصة *** وبالسِمن ربي معاقبها
طاسة وماصة وتنقاصة *** الله يقبّح مذاهبها

++++++++++

وهالبويتات للشاعر عليان حصرياً على منتدى الهيلا

لي صاحبٍ وليا مشى عيا على رجله يقوم = اصلع وقرنه منطلق تقول همّال الخيال
الشمس ما تطلع عليه إلا ليا جات الغيوم = ولا صار متوجّه جنوب عيونه تناظر شمال
وان جاء الشتا وجهه تقطّع من لواهيب السموم = ما ينعرف لصويحبي مدري ردى ولا جمال