سلطان بن دحيم =
يالعصيمي لو تحد الجنابـي والسيـوف=ما تهم اهل المواقيـف وانـت ادرابهـا
صفنا الاول ليا صار ترتيب الصفـوف=صف(ن) يهيب والاعداء ما عمرها هابها
سعود العصيمي =
العصيمي ضلعه من الحجر مافيه خـوف=والرويس اليـا بغـى الطيبـه ماجابهـا!!
صفكم معروف ياهل الحساء واهل الهفوف=لحيتـه ماتحتمـي فاللـزوم اشنابـهـا.
سلطان بن دحيم =
والله انه ما يعز الضعيف من ضعوف=وانت لو ابغاك عينك نتفت اهدابهـا
وابك حنا نارد الموت لعيون الهنوف=وانت نارك دخنت ثم طفى مشهابهـا
سعود العصيمي =
والله اني عارفك لو تغير فالوصوف = الكتابه بيّنه من قلم كتابها.!!
الشداد شداد نا وانت من فوق الردوف = والعرب تعرف حصان الدير وذيابها.!!
سلطان بن دحيم =
انت من راس الجبل للوطا صرت محذوف=ولا يغيـر طبـع الاصحـاب غيـر اصحابهـا
انـت مـن خلقتـك مـا حفـت واليـوم تحـوف=يا كثر ناس(ن) سواتـك مـا حسـب حسابهـا
سعود العصيمي =
يالرويس اللي تحط النقط فوق الحروف=طيعني بعض الدعاوي تقفـل بابهـا.
خف من الله لاتسبب علينا بالكسـوف=ابك أنا مافيه علة ماجبت اطبابهـا.!!؟
« آخـــر الـــمـــشـــاركــــات »
العرض الشجري